Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИОСИФ – МАРНЕК ЕГИПЕТСА ТЕВОНЬ ВЯТИ
Фараонть мялезонза тусь, кода Иосиф панжезень ононзон. Сон мярьгсь ломанензонды: «Коста мумс Иосифонь кодяма ломань, конань эса улель Шкаень Ваймопожф?» Сяльде сон пшкядсь Иосифонди тяфта: «Панжендярязе Шкайсь семботь тондейть, эста аш корязт сяда смузю и ёню. Тонь кядялот ули кудозе, валценьге кулхцондсы марнек ломаньтналозе. Путте тонь оцюкс Египетонь сембе модать лангса, ина аньцек оцязорксшис коре улян тондедот вяре».
Сямольде фараонць валхтозе эсь кядьстонза сурксонц и щафтозе Иосифоннети. Повфтась кргазонза зрнянь уське, щафтозе иляназонь питни щамбяльса. Фараонць мярьгсь ускомс Иосифонь марнек Египетова эсь омбоце крандаскасонза и инголенза кайгиста азондомс: «Сюконяда!»
Тяфта кепотьфоль Иосиф. Сон эстокиге кундась эсь тевонзонды. Козя кизотнень сон кочксесь сёра вача кизонди египетонь эряйхнень куломада араламанкса.
ШАЧЕМА 41:37-48
72 
