Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЕГИПЕТСА ИЗРАИЛЕНЬ ЛОМАНЬТНАЛТЬ УРЕШИЦ
Ётась лама-лама киза. Кулось Яков, мельганза сембе цёранзовок. Иосифонь куломдонза меле Египетса кармась оцязорондама лия фараон, кона ашезе сода смузю Иосифонь и сонь пара тевонзон. Тя фараонць няезе, израилень*а ломаньтналсь пяк ламолгодсь и арась сяда виикс египетонь ломаньтналть коряс. Эста сон мярьгсь эсь ломаньтналонцты: «Эрьда ёнюста тихтяма, лоткафтсаськ израилень ломаттнень ламолгодомаснон. Афток, лисендяряй торпинге*б, эста синь шоворихть каршек тюрихнень мархта, кеподихть лангозонк и туйхть модастонк».
Фараонць ладясь израилень ломаттнень лангс оцюнят, сят покотьфтезь синь альда маштомозост. Аньцек ков сяда пяк покотьфтезь, тов сяда пяк синь ламолготкшнесть, нльне сембе кармасть пелема эздост. Сяс египетонь эряйхне сядонга казямста кармасть кошарямост покодема, тяряфтсть тиемс эряфснон аф кирдевомшка стакакс.
Аньцек Шкайсь няезе тя ломаньтналть ламос муцендаманц, кулезе сонь эняльдеманц и кучсь тейнза иди.
Моисеень 2-це книгац. ЛИСЕМА 1:6-14
*а Яковонь, лиякс Израилень, юромста моли тараттне лемневихть израилень, тякокс евреень ломаньтналкс.
*б Торпинге – оцю тюрема, война.
80 
