Choose Language
Old Testament Books
New Testament Books
1Израильлэн эксэез, Иоахазлэн Иоас пиез, кыкетӥ арзэ эксэй пуконын пукыку, Иудеяын Иоаслэн Амасия пиез эксэй пуконэ пуксиз:2Эксэе пуксьыкуз, солы кызь вить арес вал, Иерусалимын со кызь укмыс ар ӵоже эксэй вал.3Инмар азьын со ярамон ужъёс лэсьтыса улӥз, но Давид атаез кадь ик ӧз, со ваньзэ лэсьтӥз Иоас атаез кадь.4Но гурезь йылъёсын вӧсяськонъёс дугдытэмын ӧй вал, гурезь йылъёсын курбонъёс сётъяса, ӵындытонъёс ортчытъяса калык улӥз.
5Амасиялэн киулаз эксэйлык юнмам бере со эксэез, атайзэ, виись медоосты вииз.6Нош адями виисьёслэсь нылпиоссэс ӧз быдты, уго Моисей законэн книгаын Кузё-Инмарлэн косонэз гожтэмын: «Нылпиоссы понна атайёсты виыны уг яра, нылпиосты но атайёссы понна виыны уг яра, котькудзэ йыруж лэсьтӥсез аслаз йыружезъя виыны кулэ».7Сылало нёжалын со дас сюрс идумей калыкез погыртӥз, ожмаськыса Селаез киултӥз но солы Иокфеил ним сётӥз, со туннэ нуналозь но тазьы нимаське на.
8Соку Ииуйлэн Иоахаз пиезлэн пиез Израильлэн Иоас эксэез доры Амасия адямиосты тазьы вераны ыстӥз: «Пот, ваче син адӟиськомы».9Израильлэн эксэез, Иоас, Иудеялэн Амасия эксэезлы вераны ыстӥз: «Ливанысь тёрнпу Ливанысь ик кедырпулы тазьы вераны ыстӥз: нылдэ мынам пиелы кышнолы сёт. Но Ливанысь кыр пӧйшуръёс ортчизы но та тёрнпуэз лёгазы.10Тон идумей калыкез погыртӥд но, сюлмыд вылтӥяськыны кутскиз. Данъяськыса ас коркад пук. Малы тыныд, кайгу понна-а керетон-даллашон ӝутыны кулэ? Тон погралод, тонэн ӵош Иудей музъем но погралоз».11Нош Амасия ӧз кылзӥськы. Израильлэн Иоас эксэез ожен потӥз, со Иудеялэн Амасия эксэеныз ваче син адскизы Иудеяысь Вефсамис дорын.12Израиль ожгарчиос иудей ожгарчиосты пазьгизы, соос балаганъёсазы пегӟыса кошкизы.13Охозиялэн Иоас пиезлэсь Амасия пизэ, Иудеялэсь эксэйзэ, Израильлэн Иоас эксэез Вефсамисысен киултӥз, собере Иерусалиме мыныса, Ефрем капка бордысен Эгыр капка дорозь Иерусалимлэсь борддорзэ ньыль сю гырпум кузьдазэ куашкатӥз.14Киултӥз вань зарниез, азвесез, Кузё-Инмарлэн коркасьтыз шедьтэм вань сосудъёсты, эксэй коркась узырлык возён шыкысъёсысь арбериосты, пленэ сюремъёсты, собере со Самарияе берытскиз.
15Мукетсэ, мар лэсьтӥз Иоас, солэн батырлыко ужъёсыз сярысь, кызьы со Иудеялэн Амасия эксэеныз ожмаськиз, ваньмыз гожтэмын Израиль эксэйёслэн книгаязы.16Иоас кулӥз но атайёсыныз, Израильлэн эксэйёсыныз, огазе Самарияе ватэмын вал. Солэн интыяз эксэе пуксиз Иеровоам пиез.
17Израильлэн эксэезлэн Иоахазлэн Иоас пиез кулэм бере Иудеялэн эксэез, Иоаслэн Амасия пиез, дас вить ар улӥз.18Амасиялэн вань ужъёсыз Иудей эксэйёслэн книгаязы гожтэмын.19Иерусалимын солы пумит лушкемен лек уж лэсьтыны малпазы, соку со Лахисэ пегӟиз. Со бӧрсьы Лахисэ калыкез ыстӥзы, отысен сое виизы.20Валэ поныса сое вайизы но атайёсыныз огазе Давидлэн городаз, Иерусалиме, ватӥзы.21Иудеяысь вань калык кутӥз но Амасия атаез интые Азарияез эксэе пуктӥз, соку солы дас куать арес вал.22Амасия эксэй кулэм бере сое атайёсыз пӧлы ватӥзы. Собере Азария Елафез Иудеялы берыктӥз но сое тупатъяз-выльдӥз.
23Иудеялэн эксэез, Иоаслэн Амасия пиез, дас витетӥ арзэ эксэйын пукыку, Самарияын Израильлы эксэе пуксиз Иоаслэн Иеровоам пиез, со ньыльдон одӥг ар ӵоже эксэй пуконын пукиз.24Кузё-Инмар азьын со ярантэм ужъёс лэсьтыса улӥз: Израилез сьӧлыке пыртӥсь Наватлэн Иеровоам пиезлэсь вань лэсьтэм сьӧлыкъёсызлэсь одӥгезлэсь но ӧз палэнскылы.25Израильлэн Инмарезлэн Кузё-Инмарлэн Аслаз ляльчиез, Гафхеферын вордскем пророк, Амафийлэн Иона пиез пыр верам кылъёсызъя со киулаз басьтӥз Израильлэсь азьвыл музъемзэ – Емафе пырон дорысен кыр дуннелэн Сылало зарезез дорозь.26Уго Кузё-Инмар адӟиз Израильлэсь шугадӟонзэ, со туж секыт вал; озьы, пытсэтэ сюремез но, эрикын улӥсез но чик ӧз ни кыльы, Израильлэн юрттӥсьёсыз ӧй ни вал.27Кузё-Инмарлэн Израильлэсь нимзэ музъем вылысь выжытэм быдтэмез ӧз поты, Иоаслэн Иеровоам пиезлэн киыныз соосты утиз.28Иеровоам сярысь ваньзэ, мар со лэсьтӥз, солэн батырлыко ужъёсыз сярысь, кызьы со ожмаськиз, кызьы со Иудеялэн киулысьтыз Дамаскез, Емафез Израильлы берыктӥз, вань-вань ужъёсыз сярысь Израиль эксэйёслэн книгаязы гожтэмын.29Иеровоам кулӥз но, сое атайёсыныз, Израильлэн эксэйёсыныз, огазе ватӥзы. Со интые эксэе пуксиз Захария пиез.
Глава 14
