Bible
Choose Language
Old Testament Books
New Testament Books
ПАРАЛИПОМЕНОН
2-тӥ книга
27-тӥ ЛЮКЕТ
1Эксэе пуксьыкуз, Иоафамлы кызь вить арес вал, дас куать ар ӵоже со Иерусалимын эксэй вал; анаезлэн нимыз Иеруша, со Садоклэн нылыз вал.2Озия, атаез кадь ик, чылкак со кадь ик Кузё-Инмар азьын ярамон ужъёс лэсьтыса улӥз, но со Кузё-Инмарлэн корказ ӧз пыра; калык эшшо сьӧлыкаса улӥз на.3Кузё-Инмар корка вӧзы со Вылӥ капка лэсьтӥз, Офел борддор лэсьтонэз трослы азинтӥз;4Иудей гурезе городъёс пуктылӥз, нюлэсъёсы дворецъёс, каланчаос пуктылӥз.5Со аммон эксэен ожмаськиз, вормиз сое; аммон калык со аре солы сю талант азвесь, дас сюрс мера-кор чабей, дас сюрс мера-кор йыды тыриз. Аммон калык тазьы вуонояз но, куинетӥяз но аре тыриз.6Таӵе кужмо вал Иоафам соин: сюрессэ нуиз Инмарез Кузё-Инмар азьтӥ.
7Иоафамлэн мукет ужъёсыз, вань ожмаськонъёсыз, ассэ воземез Израильлэн но Иудеялэн эксэйёссылэн книгаязы гожтэмын.8Эксэе пуксьыкуз, кызь вить арес вал солы, дас куать ар эксэй вал Иерусалимын.9Иоафам кулӥз но, сое атайёсыныз огазе Давидлэн городаз ватӥзы. Со интые эксэе пуксиз пиез, Ахаз.
Глава 27
