Bible Stories
Choose language
Choose Old Testament Story
Choose New Testament Story
КОРЕЙÖС, ДАФАНÖС ДА АВИРОНÖС МЫЖДÖМ
Ен тшöктiс Израиль войтырлы кывзысьны Мöисейлысь, öд сiйöс Ачыс Ен бöрйис да индiс веськöдлысьöн. Öтчыд кыксё ветымын морт кыпöдчисны Мöисейлы паныд. Юрнуöдысьяснас вöлiны Корей, Дафан да Авирон. Найö шуасисны Мöисей вылö, мый сiйö асьсö пуктö мукöдсьыс вылö.
Ен шуис Мöисейлы: «Тшöкты Израиль войтырлы вешйыны Корей, Дафан да Авирон чомъяс дiнысь». Тадзи и вöчисны. Сэсся Мöисей шуис: «Öнi тi тöдмаланныд, мый менö Господь сувтöдiс да ме ставсö вöча Господьлöн тшöктöм серти, а ог ас кöсйöм серти. Оз кö Ен мыжды да бырöд найöс, сiдзкö, эз Господь менö сувтöд. А Господь кö вöчас татшöм вöвлытöмтор, мый муыс воссяс да ньылыштас найöс, сэки тöдмаланныд, мый тайö йöзыс нинöм туйö пуктiсны Господьöс».
Тайö кывъяссö шуöм бöрын муыс воссис. Корей, Дафан да Авирон ловйöн усисны сэтчö. Накöд тшöтш му пыдöсö уси став налöн йылöмыс да овмöсыс. Сэсся муыс тупкыссис. Израильсаяс пышйисны, кор кылiсны налысь ойзöм-горзöмсö, öд полiсны, мый муыс ньылыштас тшöтш найöс. А мукöд кыксё ветымын мортсö, кодъяс кыпöдчисны Енлы паныд, сотiс енэжсянь лэччöм би, и найö кулiсны.
Лыдпас 16
114 
