Bible Stories
Choose language
Choose Old Testament Story
Choose New Testament Story
ИЗРАИЛЬСА ЁРДЫСЬЯС
Израильсаяслöн Ханаан муö локтöдз сэнi олiсны ентöдтöм войтыръяс. Ставнысö найöс шуисны ханаансаясöн. Найö юрбитiсны асланыс идол-енъяслы, Вааллы да сылöн Астарта гöтырлы, вайлiсны налы висьяс, весиг йöзöс сетiсны вись пыдди. Пеж олöмныс вöсна да уна мыжныс вöсна Ен шуис бырöдны ханаансаясöс.
Израиль войтыр овмöдчис Ханаан муö. Тайö мусö Мöисей на юклiс, мед сетны сiйöс израильса дас öти чужанкотырлы: Рувим, Симеон, Иуда, Дан, Неффалим, Гад, Асир, Иссакар, Завулон, Öсип да Венямин чужанкотыръяслы. Левий чужанкотырлы мусö абу вöлi сетöма. Тайö котырсö Ен бöрйис, медым найö кесъялiсны Сылы. Найö олiсны мукöд чужанкотыръяслöн каръясын.
Ханаан муö локтöм бöрын 300-400 во чöж израильсаяслöн эз вöв веськöдлысьыс. Найöс öтвывтiс эскöм дзик öти Енлы, енэжсö да мусö Вöчысьлы. Бöрынджык найö кежисны Енсьыс да кутiсны юрбитны идолъяслы. Найö тышкасисны ас костаныс да на гöгöр олысь войтыркöд. Израиль войтырлöн мыжъясысь да идолъяслы юрбитöмысь Ен скöралiс на вылö да унаысь мыждывлiс найöс. Сiйö лэдзлывлiс мукöд войтырлы вермыны Израильöс. Израильсаяс ёна сьöкыдалiсны нартитöмысь, и сэки найö шыасьлiсны Ен дiнö. Медым отсавны Аслас войтырлы, Ен индiс налы веськöдлысьясöс, кодъясöс шуисны ёрдысьясöн*а. Найö мездылiсны Израиль войтырöс дзескöдысьяслöн киысь. Кор Израиль войтырлöн эз вöв ёрдысьыс, найö бара кежлiсны Енсьыс да юрбитiсны идолъяслы, олiсны нöшта на омöльджыка.
Израильса ёрдысьясöн вöлiны Гофониил, Аод, Самегар, Девора, Варак, Гедеон, Фола, Яир, Еффай, Есевон, Елон, Авдон, Самсон, аркирей Илий да Самуил.
Ёрдысьяслöн кад йылысь Библияын гижöма тадзи: «Сiйö кадö Израиль войтырлöн эз вöв öксыыс. Быдöн олiс, кыдзи кöсйис».
Ёрдысьяслöн небöг
*а ёрдысь – судья
136 
