Bible Stories
Choose language
Choose Old Testament Story
Choose New Testament Story
СОЛОМОН КЕВМЫСЬÖ КРАМЫН
Кор Енлöн крамыс вöлi дась, Израиль войтырлöн пöрысьяс да веськöдлысьяс чукöртчисны Ерусалимö. Попъяс вайисны Йитöд Кудсö крамö, сэсся висьяс вайöм бöрын пыртiсны сiйöс Вежасьыс-вежаинö.
Кор попъяс петiсны крамысь, Ачыс Енмыс петкöдчис кымöрын, и став крамыс тыри Сылöн дзирдлунöн. Сэки Соломон нюжöдiс ассьыс кияссö енэжлань да шуис:
«Господьöй, Тэ – Израильлöн Ен! Абу Тэ кодь мöдыс енэжас да му вылас. Тэ он торк Ассьыд йитöдтö Аслад войтыркöд, Тэ радейтан Ассьыд кесйöгъястö, кодъяс став сьöлöмнас олöны Тэнад кöсйöм серти. Му вылын-ö овны Енлы? Енэжъяслöн енэжъяс оз тöрöдны Тэнö. Дерт нин, оз вермы тöрöдны Тэнö тайö крамыс, кодöс ме лэптi. Господьöй, Енмöй, кывзы Аслад кесйöглысь кевмöм-корöмсö. Мед Тэнад синмыд лун и вой видзöдас тайö крамыс вылö, код йылысь Тэ шуин: ”Менам нимöй лоас сэнi”. Кыв, мый йылысь Тэнад кесйöгыд кевмысьö тайö крамас. Мед Тэнад синмыд видзöдас да Тэнад пельыд кылас Аслад кесйöглысь да Аслад Израиль войтырлысь кевмысьöмсö. Кывзы найöс быд кадö, кор шыасясны Тэ дiнö».
Öксыяслöн коймöд небöг 8:3-52
180 
