Bible Stories
Choose language
Choose Old Testament Story
Choose New Testament Story
ИЛЛЯ ПРОРОК
Колисны вояс. Вежсисны öксыяс. Израильын кутiс ыджыдавны Акав. Сiйö медся уна мыж вöчис израильса öксыяс пиысь, кодъяс вöлiны сыöдз. Сылöн Езавель гöтырыс вöлi ентöдтöм войтырысь. Сiйö кыскис Акавöс юрбитны Ваал идоллы. Акав лэптiс Вааллы юрбитанiн да зiлис бырöдны ловъя Енлы эскысьясöс.
Сiйö кадас Израильын олiс Илля пророк, кодi чуксалiс став йöзсö бергöдчыны ловъя Ен дiнö. Акав да Езавель лöгалiсны Илля вылö да быдногыс дзескöдiсны сiйöс.
Израиль войтыр тшöтш кутiс юрбитны идолъяслы. Та вöсна Ен шуис мыждыны Ассьыс войтырсö. Илля пророк юöртiс Акав öксылы, мый Израиль муын куим во да джын оз кут зэрны. Тадзи и лоис. Став муыс чорыда косьмис. Ен тшöктiс Иллялы дзебсьыны Акавысь шордорса овтöминö. Сэнi Ен тöждысис Илля вöсна. Кырнышъяс быд асыв да быд рыт вайлiсны Иллялы нянь да яй, а горшсö Илля веськöдiс шор ваöн.
Öксыяслöн коймöд небöг 16:29-17:6
192 
