Bible Stories
Choose language
Choose Old Testament Story
Choose New Testament Story
ПЫРТЫСЬ ИОАНЛÖН ЧУЖÖМ
Ставыс лои дзик сiдзи, кыдзи водзвыв висьталiс Гавриил андел. Закарлöн да Елизаветалöн чужис пи. Найö вöлiны зэв шудаöсь, став рöдвужыс накöд нимкодясис.
Сiйö кадас ныв-пиыслы нимсö сетлiсны бать-мамыслысь либö рöдвужсьыс кодлыськö. Закарлöн да Елизаветалöн рöдвужыс кöсйис сетны кагалы Закар батьыслысь нимсö. Но мамыс шуис: «Энöй. Пуктам сылы Иоан ним». Сылы шуисны: «Тэнад рöдвужын татшöм нимаыс некод абу». Сэсся пасъяс отсöгöн юалiсны батьыслысь, кутшöм ним сiйö кöсйö сетны пиыслы. Закар корис пöвтор да гижис: «Иоан лоö нимыс». Ставныс чуймисны. Дзик пыр воссис Закарлöн кыв-ворыс. Сiйö тырис Вежа Лолöн, кутiс ошкыны Енмöс да пророкавны:
– Ошка Господьöс, Израильлысь Енмöс!
Сiйö бергöдчис Аслас войтырлань, дасьтiс сылы мездмöм.
Давид кесъялысьлöн чужанвужйысь
Сiйö сетiс миянлы Вына Мездысьöс.
Тадзи важысянь Сiйö кöсйысьлiс Аслас вежа пророкъяс пыр.
Тэнö, кагаöй, пуктасны Медвылыссалöн пророкö.
Тэ мунан Господь водзын дасьтыны туйяс Сылы,
юöртны Сылöн войтырлы мездмöм йылысь
да налысь мыжъяссö прöститöм йылысь.
Миян бур сьöлöма Ен ыстас миянлы енэжсянь асъя кыа,
пемыдын да кулан вуджöр улын олысьяслы сетас югыдсö,
Сiйö веськöдас кокнымöс лöньлуна туй вылö.
Иоанлöн томдыр йылысь гижöма зэв этша. Лука серти Бур Юöрын висьталöма, мый кага быдмис да ловнас вынсялiс. Нöшта висьталöма, мый Израильлы петкöдчан лунöдзыс сiйö олiс овтöминъясын.
Лука 1:57-80
288 
