Bible Stories
Choose language
Choose Old Testament Story
Choose New Testament Story
ЕГИПЕТÖ ПЫШЙÖМ
Ирöд чайтiс, мый виöм кагаяс лыдö веськалас тшöтш Исус. Но татшöмторйыс эз ло. Тöдысьяслöн мунöм бöрын Öсиплы вöтас петкöдчис Енлöн андел да шуис: «Чеччы, босьт кагасö мамыскöд да пышйы Египет муö. Ов сэнi, кытчöдз ме ог тшöкты бöр локны сэтысь. Ирöд кутас корсьны кагатö, мед вины Сiйöс». Öсип садьмис, босьтiс Марияöс кагаыскöд да войнас мöдöдчис Египет муö.
Виплиемсянь Египетöдз туйыс вöлi зэв кузь да сьöкыд. Мариялы да Öсиплы эз вöв кокньыд вуджны некымын сё верст ичöт кагакöд. Но Енмыс налы отсалiс.
Ирöд кувтöдз найö олiсны Египетын. Тадзи инiс пророк пыр Енлöн шуöмыс: «Египет муысь Ме кори Пиöс».
Матвей 2:13-15
304 
