Bible Stories
Choose language
Choose Old Testament Story
Choose New Testament Story
ИОАН ЮÖРТÖ ДА ПЫРТÖ
Том кадсö Иоан олiс овтöминын. Сэнi Ен дасьтiс сiйöс, мед юöртны Израиль войтырлы Исус Кристослöн локтöм йылысь. Та йылысь уна сё во сайын на пророкъяс гижлiсны: «Ыста Ассьым юöртысьöс Тэ водзвылын, сiйö Тэныд туйсö дасьтас. Овтöминын кылö горзысьлöн шы: ”Лöсьöдöй туйсö Господьлы, веськöдöй-шыльöдöй ордымъяс Сылы!”»
Иоан новлiс верблюд гöнысь кыöм паськöм да коскас кучик тасма, сёйлiс чирк да видзвыв ма. Енлöн петкöдчылöм бöрын Иоан пондiс юöртны йöзыслы, медым бергöдчасны Енлань. Йöрдан юдорса муясöд ветлöдлiгöн сiйö юöрталiс: «Бергöдчöй мыжъяссьыныд да пыртчöй, медым Ен прöститас мыжъяснытö».
Пыртчиганыс йöзыс юасисны Иоанлысь: «Мый миянлы колö вöчнысö?» Сiйö вочавидзис: «Тэнад кö кык дöрöм, öтисö сет, кодлöн абу. Тэнад кö эм сёян, тшöтш тадзи вöч». Пыртчыны воысь вот перйысьяс*а юалiсны: «Велöдысь, мый миянлы колö вöчнысö?» Сiйö вочавидзис налы: «Энö босьтöй тшöктöмасьыс унджык». Шыпуртаяс тшöтш юалiсны сылысь: «Мый нö миянлы колö вöчнысö?» Иоан шуис налы: «Мырдысьöн да повзьöдлöмöн энö босьтöй йöзлысь сьöм, тырмöдчöй асланыд удждонöн».
Марк 1:1-8, Лука 3:2-14
*а вот перйысь – налогосборщик
310 
