Bible Stories
Choose language
Choose Old Testament Story
Choose New Testament Story
ИСУС ВÖТЛАЛÖ ВУЗАСЬЫСЬЯСÖС КРАМЫСЬ
Ыджыд лун водзвылын Исус локтiс Ерусалимö. Сiйö пырис крамö да аддзис, мый сэнi вузалöны öшъясöс, ыжъясöс, гулюясöс да вежлалöны сьöм. Исус кöвъясысь кыыштiс орс да кутiс вöтлавны сiйöн крамысь вузасьысьясöс, налысь ыжъяссö да öшъяссö. Сiйö пöрлöдлiс сьöм вежысьяслысь пызанъяссö да шыблалiс налысь сьöмсö. Гулюöн вузасьысьяслы Сiйö шуис: «Босьтöй ассьыныд гулюяснытö! Энö пöртöй Менам Батьлысь керкасö вузасянiнö!» Сэки Исуслöн велöдчысьяслы тöд выланыс уси Гижöдын висьталöмыс: «Тэнад керка вöсна вежöгтöмыс топöдö Менсьым сьöлöмöс».
Юдейяслöн веськöдлысьяс шуисны Исуслы: «Кутшöм ногöн Тэ эскöдан миянöс, мый Тэныд позьö тадзи вöчнысö?» Исус вочавидзис: «Жугöдöй тайö крамсö, и Ме куим лунöн выльысь лэпта сiйöс». Найö воча шуисны Исуслы: «Тайö крамсö лэптiсны нелямын квайт во чöж, а Тэ куим лунöн кöсъян лэптыны сiйöс?» Крам йылысь сёрнитiгöн збыльвылас Исус висьталiс Аслас вир-яй йылысь. Исуслöн ловзьöм бöрын велöдчысьясыслы тöд выланыс усины Сылöн кывъясыс. Сэки найö эскисны Гижöдö да Исуслöн кывъясö.
Ерусалимын Ыджыд лун дырйи унаöн аддзылiсны Исуслысь шензьöданаторъяс вöчöмсö да эскисны Сылы.
Иоан 2:13-23
320 
