Bible Stories
Choose language
Choose Old Testament Story
Choose New Testament Story
ПРОКАЗАÖН ВИСЬЫСЬЯСÖС БУРДÖДÖМ
Ерусалимö мунiгöн Исус вуджис Самария да Галилея муяс. Öти сиктö воигöн Сiйöс паныдалiсны проказаöн висьысь дас морт. Висьöмныс понда налы эз позь матыстчыны йöз дiнö. Та вöсна найö ылысянь горзiсны: «Исус, Велöдысь, ло бур сьöлöма миян дiнö!» Исус видзöдлiс на вылö да шуис: «Мунöй да петкöдлöй асьнытö попъяслы». Мунiганыс найö сöстöммисны.
Ассьыс бурдöмсö казялöм бöрын öти косiс Енмöс гораа ошкигтырйи. Сiйö кымынь уськöдчис Исус водзö да аттьöалiс Сiйöс. Тайö мортыс вöлi Самарияысь, а Самария войтырöс юдейяс ёна мустöмтiсны. Исус юалiс: «Эз öмöй даснаныс сöстöммыны? Кöнöсь нö öкмысыс? Тайö самарияса мортысь кындзи некод эз лок ошкыны Енмöс». Сэсся Исус шуис бурдöм мортлы: «Чеччы да мун. Эскöмыд мездiс тэнö».
Лука 17:11-19
378 
