Bible Stories
Choose language
Choose Old Testament Story
Choose New Testament Story
САВЛ ДЗЕСКÖДÖ ЭСКЫСЬЯСÖС
Ерусалимын ёна кутiсны вöтлыны эскысьясöс. Апостолъясысь кындзи ставныс найö разöдчисны Юдея да Самария пасьтала. Медся чорыда эскысьясöс дзескöдiс Савл нима фарисей. Сiйö зiлис бырöдны найöс, ветлiс керкаысь керкаö да мырдысьöн йöрталiс айуловöс да аньясöс дзескыдiнö. Степанöс виöмсö Савл лыддис буртор вöчöмöн.
Разöдчöм эскысьяс ветлöдлiсны карысь карö да висьтавлiсны Бур Юöр. Уна йöз эскис да пыртчис. Савл скöрысла пуис Исуслöн велöдчысьяс вылö, зiлис бырöдны тшöтш мукöд каръясысь эскысьясöс. Та вöсна мунiс аркирей дiнö да корис эскöдан гижöд Дамаск синагогаясö, медым Исуслы эскысьясöс позис босьтны да вайöдны Ерусалимö.
Савл вöлi велöдчöм морт, сiйö зэв бура тöдiс Вежа Гижöд. Сiйö ёна кутчысис батьяслöн шуöмö, велöдiс тшöтш мукöдсö тадзи овны. Но сiйö эз тöд збыльсö, эз эскы, мый Исус – Енлöн бöрйöм Мездысь.
Апостолъяслöн уджъяс 8:1-4, 9:1-2
456 
