Bible Stories
Choose language
Choose Old Testament Story
Choose New Testament Story
ЯКОВЛÖН ДА ИСАВЛÖН БУРАСЬÖМ
Ханаан муö воигöн Яков аддзис, мый Исав локтö сылы воча нёльсё морткöд. Яков матыстчис вокыс дiнö да сизимысь копыртчылiс сылы муöдзыс. Исав уськöдчис кутлыны Яковöс, сывъялiс сiйöс, и найö кыкнанныс бöрддзисны. Сэсся локтiсны Яковлöн гöтыръясыс, ныв-пиыс да кесйöг аньясыс, и ставныс копыртчылiсны Исавлы.
Исав юалiс Яковлысь: «Мыйсяма йöзкöд ме паныдаси? Мыйла тэ мöдöдiн сы мында пемöссö?» Яков вочавидзис: «Тайö тэныд козин, медым дугдiн лöгавнытö». Исав шуис: «Менам ставыс эм. Босьт аслыд, вокöй, тайö пемöсъяссö». Яков паныд шуис: «Тэ кö збыльысь бурасин мекöд, босьт менсьым козинöс. Енмыс вöлi бур сьöлöма ме дiнö, и öнi менам ставыс эм». Яков ёна корис босьтны сылысь козинъяссö, и Исав босьтiс.
Сэсся Исав бöр мунiс гортас, а Яков ньöбис Сикем кар дорысь му да овмöдчис сэтчö. Вöчис сэнi висьпуктанiн да юрбитiс Енлы.
Тадзи збыльмис сылöн мича вöтыс, кодöс сiйö аддзылiс сьöкыд пышъян кадас. Ен сетiс сылы ставсö, мый кöсйысьлiс, и Яков эз вунöд аттьöавны таысь Енмöс.
Олöм 33:1-20
58 
