Bible Stories
Choose language
Choose Old Testament Story
Choose New Testament Story
ЕНЭЖСЯНЬ НЯНЬ
Ен нуöдiс Израиль войтырöс водзö. Кор найö воисны Син нима овтöминö, ставныс кутiсны шуасьны Мöисей да Аарон вылö, Египетын пö ми олім бурджыка, а танi овтöминас сёяныс абу. Сэки Мöисей шуис йöзыслы: «Господь кылiс тiянлысь шуасьöмнытö. Тi öд онö миян вылö шуасьöй, а Господь вылö». Сэсся Ен шуис Мöисейлы: «Ме кылi Израиль войтырлысь шуасьöмсö. Висьтав налы: ”Рытнас тi понданныд сёйны яй, а асывнас понданныд пöткöдчыны няньöн. Сэки тöдмаланныд, мый Ме – Господь, тiян Ен”».
Рытнас израильсаяслöн чомъяс дорö тырыс локталiсны квайтпалич*а пöткаяс. Йöзыс дасьтiсны наысь чöскыд сёян. А асывнас чомъяс гöгöр лысваалiс. Кор лысваыс косьмис, му веркöсас колис пуж кодь шыдöс. Тайö вöлi енэжсянь нянь. Израильсаяс шуисны тайö няньсö маннаöн, сылöн кöрыс вöлi маа кöвдумлöн кодь. Ен тшöктiс чукöртны маннасö сы мында, медым тырмис сöмын öти лун кежлö. Чукöртлiсны кö унджык, колясыс войнас тшыксьылiс. Квайтöд луннас Ен тшöктiс чукöртны кык лун кежлö, öд Ен тшöктöм серти сизимöд луныс вöлi шойччан лун, а сэки налы эз позь уджавны. Сизимöд луныс кежлö чукöртöм маннаыс эз тшыксьыв.
Петöм 16:1-31
*а квайтпалич – перепел
98 
