Bible Stories
Choose Language
Choose Old Testament Story
Choose New Testament Story
ИСУСОНЬ ЛИЯКС АРАМАЦ
Весть Исус корхтась тонафниензонды, кле, тейнза сави куломс Ерусалимса.
Мзярошка шинь ётазь, Исус сявозе Пятань, Якувонь, Иоаннонь, куцсь мархтост сери панда пряс. Апак учт Исус инголест полафтсь: шамац вандолгодсь шинь лаца, щамоц тиевсь акшекс, валда лаца. Вов, эвондасть Моисей и Илия, кармасть мархтонза корхтама сянь квалма, мезе тейнза тиема Ерусалимса. Эста Пята мярьгсь Исусонди: «Азорозе! Пара тейнек тяса улемс; мяльце, тихтяма тяза колма кошт: фкять тейть, фкять Моисеенди, фкять Илиянди». Сон азозе тянь сяс, мес эводембачк ашезе сода мезе корхтамс. Сон корхтаманцка ашезе адела, мзярда вельхтязень синь валда ковол, и ульсь вайгяль коволста, кона корхтась: «Тя монь кельгома Цёразе, кенярдемазе, сонь кулхцондость».
Тя вайгяльть марямста тонафниенза прасть комада, пяк эводсть. Исус маладсь тейст, токазень, мярьгсь: «Стяда, тяда пеле!» Сят кеподезь сельмоснон – Исуста башка, киньге ашесть няе.
Панда пряста валгомбачк Исус кардазень киндивок азондомс няйфть колга, мярьгсь: «Киндивок тясть азонда няйфть, мзярс Ломанень Цёрась аф вельмай кулофста».
МАТВ. 17:1-9
356 
