Bible Stories
Choose Language
Choose Old Testament Story
Choose New Testament Story
СОКОРТЬ ПЧКАФТОМАЦ
Кати-кода весть Исус сась Ерихон оцю ошу. Лама ломань, кода фалу, мольсь мархтонза.
Ошу сувамань ки трваса озадоль сокор анциня. Лемоцоль Вартимей. Сон кулезе – ваксканза ётай Исус, конань ацермань тевонзон колга лама марьсесь. Сокорсь кармась юватькшнема: «Исус, Давидонь Цёрац! Ужяльдемак!» (Исусонь лемнезь Давидонь Цёракс сяс, мес сонь мода лангонь тядянза-алянза ульсть Давид оцязорть юромста). Ламотне лоткафнезь сокорть юватькшнемда, аньцек сон сядонга кайгиста кармась пешкодома: «Давидонь Цёрац! Ужяльдемак!»
Исус лоткась и мярьгсь тердемонза сонь. Мзярошка ломань маладсь сокорти, азозь: «Тят пеле, стяк, терди эсот». Вартимей ёрдазе лангстонза вярдень щамть, стясь и нажядсь Исусонди. Исус кизефтезе: «Мезе тейть эряви моньцтон?» Сокорсь каршезонза: «Тонафтыеньке, тиемак няикс». Исус мярьгсь тейнза: «Архт, кемамаце идензе». Вартимей эстокиге кармась няема и, Шкаень лемть шназь, тусь Исусонь мельге.
МАРК 10:46-52
384 
