Bible Stories
Choose Language
Choose Old Testament Story
Choose New Testament Story
ИСУС ЭВОНДАЙ ЛЯДЫКС ТОНАФНИХНЕНДИ
Мзярда Исус юмафтсь кафта тонафнихнень сельмингольде, конатненди эвондась Эммаусу ки кувалма, сят эстокиге стясть и тусть Ерусалиму. Синь музь марса пуромф кефкие апостолхнень и кит ульсть мархтост, кармасть азондомонза, мезе лиссь ки лангса, и кода содазь Исусонь кшинь синдемста.
Мзярда синь корхтасть тянь колга, сонць Исус арась ёткозост и мярьгсь: «Седи ваймама тейнть!» Тонафниенза абондсть и эводсть, арьсесть, няихть кулыень цильф. Аньцек Исус мярьгсь тейст: «Мес абондоде и мес тяфтама мяльхть сувсихть седиезонт? Варжакстода кяднень, пильгонень лангс; тя – монан. Токафтость кядентень, ваномасть, вдь кулыень цильфть аш пукшенза и пакаренза, кода няйсасть – монь улихть». Тянь азомда меле сон няфтезень тейст кядензон, пильгонзон, конатнень эса ульсть эськонь васттне.
Мзярда синь кенярдемать эзда нинге ашесть кема и дивандакшнесть, сон кизефтезень: «Тинь ули тяса кодамовок ярхцамбяленте?» Синь макссть тейнза рястаф кал пакш и шта потмоса медь, и сон инголест ярхцась. Сяльде Исус мярьгсь тейст: «Вов ся, мезе корхнень тейнть мархтонт улемста: семботи пяшкодевома, мезе сёрматф колган Моисеень Койса, шкаймаряйхнень и псалматнень эса... Тяфта сёрматф: Кристосонди эрявсь кирдемс сталмот и вельмамс кулофста колмоце шиня. И сембе ломаньтналхнень, Ерусалимста сявомок, тердемат сонь лемстонза пежетень нолдаманкса полафтомс эряфснон и мрдамс Шкайти. Тинь сембонь тянь няисна-азондысна. Мон тяни кучса сянь, мезе надияфнесь Алязе. А тинь илядода Ерусалим ошса, мзярс аф пяшкоттяда вярдень вийса».
Тяфта Исус панжезе тонафниензон ёньцнон Сёрматфть шарьхкодеманцты.
ЛУКА 24:33-49
434 
