Bible Stories
Choose Language
Choose Old Testament Story
Choose New Testament Story
ЯКСТЕРЬ ОЦЮВЕДТЬ ТУРКС ИЗРАИЛЕНЬ ЛОМАТТНЕНЬ ЁТАМАСНА
Фараонць содазе, израилень ломаттне тусть Египетста аф аньцек эсь Шкайснонды озказнень максома, синь, бльшай, тусть прокс. Эста сон вихонзась мельгаст ластянзон, крандасканзон, марнек ушмовиенц мархта, ёрась мрдафтомс синь меки.
Мзярда израилень ломаттне пачкодсть Якстерь оцюведть трвас, тейст ашель ков ворьгодемс, а египетэряйхне вов-вов сатсазь. Шкаень ломаньтналсь ваны – инголенза оцюведь, фталонза египетэряйхне, кармась изгордомонза Моисеень, мес сон лихтезень Египетста шавмодас кулома. Аньцек Моисей мярьгсь тейст: «Тяда пеле! Ожуда, няйсасть, кода Азорсь идетядязь. Няйсасть, мезе тячи тиеви египетэряйхнень мархта. Оду тяфтама мзярдонга аф няйхтяда. Азорсь кармай тюрема инксонт, тинь озаст седиенте».
Шкайсь кошардозе Моисеень венептемс кяденц оцюведти. Моисей венептезе кяденц и Азорсь веньберьф панезень веттнень шинь стямань вии вармаса. Тяфта ведсь явожсь израиленнетнень инголе и оцюведть пяльксоц тиевсь коське вастокс. Стане ётасть израилень сембе ломаттне оцюведть кучкава, коське вастова, ведсь ульсь тейст види и кержи пяльде перяфксокс.
ЛИСЕМА 14:5-22
94 
