Bible Stories
Выбрать язык
Choose Old Testament Story
Choose New Testament Story
ИЗГУРЕЗЬЫСЬ МОИСЕЙ ВУ ПОТТЭ
Израиль калык Рефидиме вуэм бере тодӥз: юон ву татын ӧвӧл. Калык бугыръяськыны, керетыны кутскиз, Моисейлэсь куризы, соосты со вуэн мед секталоз шуыса. Моисей соослы шуиз: «Малы тӥ бугыръяськиськоды, ченгешиськоды, монэ пыкылӥськоды? Малы тӥ Кузё-Инмарлэсь визьзэ сынаськоды?» Солы Инмар мед юрттоз шуыса, со вӧсяськыны кутскиз. Соку Кузё-Инмар сое бодыеныз изгурезе шуккыны косӥз. Инмар косэмъя, Моисей изгурезе шуккиз но, соку ик отысь ву бызьыны кутскиз, калык сюзэ юзматӥз.
Моисей со интыез “Масса но Мерива“ шуыса нимаз, асьме кылэ “Визь сынаськон но Бугыръяськон“ шуыса берыктӥське, малы ке шуоно, израиль калык бугыръяськыса, керетыса улӥз, визь сынаса Кузё-Инмарлы шуизы: «Асьме пӧлын вань-а, ӧвӧл-а Кузё-Инмар?»
Потон 17:1-7
100 
