Bible Stories
Выбрать язык
Choose Old Testament Story
Choose New Testament Story
КОРЕЕЗ, ДАФАНЭЗ, АВИРОНЭЗ ПОГЫРТОН
Кузё-Инмар израиль калыкез Моисейлэсь кылзӥськыса улыны косӥз, уго Со Ачиз сое бырйыса калыклы кивалтӥсе пуктӥз. Нош одӥг пол израиль калыклэн улон интыяз кужмо бугыръяськон ӝутскиз. Корейлэн, Дафанлэн, Авиронлэн кивалтэм улсазы кык сю витьтон адями Моисейлы пумит ӝутскизы. Соослэн Моисейлы тэрытскемзы ӧз ни поты, ваньмызлы ассэ кузё каре шуыса, израиль пиос сое пыкылӥзы.
Та сярысь кылэм бераз, Моисей, кызьы солы Кузё-Инмар вераз вал, косон сётӥз: вань израиль калык мед палэнскоз Корейлэн, Дафанлэн, Авиронлэн балаганъёссы дорысь, соослэн тӥрлыксы борды но медаз йӧтылӥське. Собере Моисей шуиз: «Ас тодэмъям номыре уг лэсьтӥськы, лэсьтӥсько ке лэсьтӥсько Кузё-Инмарлэн косэмезъя гинэ, та сярысь тӥ тододы соку: вань адямиос кадь ик таос ас эзеленызы кулӥзы ке, номыр но сыӵе-таӵеез ӧз ке луы, тодэ – монэ Кузё-Инмар ӧз ысты. Нош Кузё-Инмар паймымон уж лэсьтӥз ке, – музъем пилиськыса, таосты вань арбериосынызы валче му ньылӥз но, улэпкын дунне пыдэскы соос усизы ке, тодэ: та адямиос Кузё-Инмарез сӥлы карыса ӧз улэ».
Та кылъёссэ Моисей вераса гинэ вуиз, музъем пилиськиз но соосты, Корейлэсь вань адямиоссэ, юртэнызы, ваньбуренызы валче, му ньылӥз. Марзы вал, ваньзы улэпкын дунне пыдэскы усизы; вайяськем музъем ворсаськиз, ваньзы таос быризы. Котыраз учырам израиль пиос кышкаса, “Милемды но му ньылоз“ шуыса черекъязы но бызьыса кошкизы. Нош кылемъёсыз кык сю витьтон муртъёс вылэ Кузё-Инмар инмысь тыл лэзиз, соос но ваньзы быризы.
Лыдпусъёс 16:1-3, 23-35
114 
