Bible Stories
Выбрать язык
Choose Old Testament Story
Choose New Testament Story
ПСАЛТИРЬЫСЬ ЧУРЪЁСТЫ ТОДАД ВОЗЬ
Тынэсьтыд нимдэ тодӥсьёс оскиськыса улозы, уго Тон, Кузё-Инмаре, оскиськыса вазиськисьёсты кулэтэм уд кариськы (9:11).
Кузё-Инмарлэсь быдэс музъем кышка, ваньзы дунне вылын улӥсьёс Со азьын куалекъяло (32:8).
Веръяса утчалэ но адӟоды: макем ӟечлыко Кузё-Инмар! Шудо адями, кудӥз Со вылэ оскиське! (33:9)
Аслэсьтыд сюрестэ Кузё-Инмар кие сёт, Солы оскиськы, Со быдэстоз (36:5).
Куректон-кайгырон нуналад вазиськы Мыным, Мон тонэ мозмыто, соку тон Монэ данъяса улод (49:15).
Эй, Инмаре, сюлэмме чылкыт кар, мынам пушкам выльдэм юн дух пон (50:12).
Гурезьёс вордскемлэсь, музъемез но дуннеез кылдытэмедлэсь азьло, даурысь дауре Тон – Инмар (89:3).
Нош Кузё-Инмар – мынам изкаре, мынам Инмаре – мынам утиськон из гурезе (93:22).
Эй, лулы, Кузё-Инмарез данъя, одӥгзэ но ӟеч ужзэ эн вунэты (102:2).
Макем ӝужыт музъемысен инбам, сокем ик быдӟым Кузё-Инмарлэн гажан-жалянэз Солэсь кышканэн улӥсьёс понна (102:11).
Визьлыклэн кутсконэз – Кузё-Инмарлэсь кышканэн улон (110:10).
Уг кышка, Кузё-Инмар мон палан: адями мыным мар кароз (117:6).
Мон Тынад – уть монэ (118:94).
Синвуэн кизисьёс, шумпотыса аралозы (125:5).
Ваньмызлы вӧсяськисьёслы, ваньмызлы чылкыт сюлмын вӧсяськисьёслы, Кузё-Инмар матын улэ (144:18).
Калык! Котькыӵе но дыръёсы Со вылэ оскиськы, Со азьын аслэсьтыд сюлэмдэ усьты, – Инмар уго асьмелэн утиськон интымы (61:9).
Егит пи аслэсьтыз сюрессэ кызьы чылкытэн возёз? – Верам кылдэ санэ поныса ассэ кутыса улӥз ке (118:9).
Тынад кылыд
пыд азьме
югдытэ,
улон сюресэлы
югыт сётэ
ПС. 118:105
256 
