Bible Stories
Выбрать язык
Choose Old Testament Story
Choose New Testament Story
ИСАИЯ ПРОРОК
Исаия пророк Израильын Иисус Христослэн вордскемезлэсь трос сю аръёс азьвыл улӥз. Кузё-Инмар бордысь усись израиль калыкез сюлмысьтыз вӧсяськымтэез понна шарае поттыса пыкылӥз, сьӧлыкоосты ӧбкельыса сьӧлыкъёссылэсь куштӥськыны ӧтьылӥз.
Исаия калыкез дугдытэк ӧтиз Инмар вылэ оскиськыса улыны. Тани солэн одӥгез ӧтёнэз: «Тон уд тодӥськы шат? Тон ӧд кылы шат Инмар пумтэм вапумъёслэн Кузё-Инмарзы – музъемлэсь пумъёссэ кылдытӥсь, Со уг жадьы, уг катьтэммы шуыса? Солэн визьмыз эскерыса тодыны луонтэм. Жадем муртлы Со кужым сётэ, катьтэммемлы юнлык кузьма. Егит пиос но жадё, лябӟо, егит муртъёс но усьыло. Нош Кузё-Инмарлы оскиськыса улӥсьёс кужым басьтыса выльдӥськозы: ӧрӟи музэн бурдъёссэс ӝутозы, бызёзы – уз но жаде, мынозы – уз но катьтэмме».
Исаия азьвыл ик тодытыса вераз Мессиялэн – дунне вылысь калыкез Утисьлэн, Иисус Христослэн, вордсконэз сярысь. Аслаз книгаяз со валамон гожтӥз Христослэн вордсконэз, улонэз, курадӟонэз, кулонэз но улӟыса султонэз сярысь – сю аръёс ортчыса солэн вань верамъёсыз быдэсмизы.
Исаия пророк Мессия – Христос сярысь гожъяз: «Со асьмелэсь ляблыкъёсмес Ас вылаз басьтӥз, висёнъёсмес ӝутыса нуиз; асьмеос малпамы вал, Сое Инмар погыртэм, вӧсь карем, ултӥям шуыса. Асьмелэн сьӧлыкъёсмы понна Со яраё-гижлоё каремын вал, законлы пумит улэммы понна Со курадӟытэмын вал. Милемлы каньыллык басьтон понна, вӧсь карон Со вылтӥ ортчиз, Солэн яраосыз-гижлоосыз пыр асьмеос бурмимы. Асьмеос ваньмы ыжъёс кадь йыромыса ветлӥмы, ваньмы асьмелэн сюрес выламы кожимы, – нош Кузё-Инмар ваньмылэсь сьӧлыкъёсмес Со вылэ понӥз. Сое жугизы-тышказы, Ачиз мылкыд кариз курадӟон чиданы, кылзэ-ымзэ ӧз усьтылы; вандыны нуэм ыжез музэн, Сое нуизы; ӵышкись азьысь ыжпи кадь, Со куаратэм вал, ымзэ ӧз усьтылы».
Исаия 40:28-31 53:4-7
264 
