Bible Stories
Выбрать язык
Choose Old Testament Story
Choose New Testament Story
ВУ НЮРТОНЛЭН КУТСКОНЭЗ
Кема дыр ӵоже пыжез лэсьтӥзы. Инмарлэсь вань косонзэ лыдэ басьтыса, Ной пыж лэсьтонзэ быдэстӥз. Соку Кузё-Инмар Нойлы шуиз: «Ачид но, быдэс семьяед но пыже пыре; Мон адӟи, тон Мон азьын шонер улӥсь луиськод шуыса... Вань чылкыт пудо-животъёсты сизьымен-сизьымен – месъёссэ но, ошъёссэ но, нош озьы ик чылкыттэм пудо-животъёсты но кыкен кыкен – месъёссэ но, ошъёссэ но басьты. Озьы ик ин тылобурдоосты но сизьымен-сизьымен – мумыоссэ но, айыоссэ но быдэс музъем вылэ выжылы кельтон понна. Сизьым нунал ортчыса, ньыльдон нунал ӵоже, ньыльдон уй ӵоже, музъем вылэ зор кисьто, вань улэп макеосты, мае Мон кылдытӥ, музъем вылысь быдто».
Ной лэсьтӥз, кызьы косӥз Кузё-Инмар. Со пыже кышноеныз, пиосыныз, кенъёсыныз ӵош пыриз; отчы ик Ной сизьым парен чылкытъёссэ, кык парен чылкыттэмъёссэ пудо-животъёсты басьтӥз. Ваньзы отчы пырем бере, Ачиз Кузё-Инмар пыжлэсь (ковчеглэсь) ӧссэ ворсаз.
Сизьым нунал ортчыса, туж кужмо зорыны кутскиз, ньыльдон нунал, ньыльдон уй ӵоже чик дугдылытэк зориз. Ву йылӥз но пыжез интыысьтыз ӝутӥз, ву вылтӥ со уяса ветлыны кутскиз. Сыӵе трос ву люкаськиз – вань ӝужыт гурезь йылъёс ву улэ кылизы, музъем вылын улэм вань шокась улэп макеос кулӥзы. «Музъем вылысь вань улэп макеос быдтэмын вал: адямиос но, пудо-животъёс но, нюж кыстӥськыса ветлӥсьёс но, ин тылобурдоос но – ваньзы быдтэмын вал; Ной но солэн пыжаз пыртэмъёс гинэ быдэс кылизы».
Улон-вылон 7:1-23
26 
