Bible Stories
Выбрать язык
Choose Old Testament Story
Choose New Testament Story
ИИСУС ХРИСТОСЛЭН ВОРДӤСЬКОНЭЗ
Мария секытэн дыръя, Солы Иосифен ӵош кузь сюрес вылэ потоно луиз: Рим кунлэн Август эксэез музъем вылысь калыкъёслэсь лыдзэс ӵотаны косон сётӥз. Котькудӥз адями кулэ вал вашкала выжыосызлэн каразы-городазы мыныны. Иосифен Мария потэмын Давид эксэйлэн выжыысьтыз. Та эксэй Израиль кунэн кивалтӥз Иисуслэн вордскемезлэсь сюрс ар азьлогес.
Озьы, Иосифен Мария Вифлееме, Давид атайзылэн городаз, мыныны потӥзы. Назаретысен Вифлеемозь кык сю иськемлэсь кыдёкынгес. Со дауръёсы машинаос, поездъёс ӧй вал, соин ик кӧня ке нунал ӵоже мыноно луэ вал та кузьда сюресэз. Назарет кар интыяськемын Галилеяын – Израильлэн уйпалаз, нош Вифлеем сылэ Иудеяын – Израильлэн лымшор люкетаз. Галилеяысь Иудеяе сюрес Самария пыр орче, нош Самария но, Иудея но – со гурезё шаеръёс.
Мыныса-мыныса, Иосифен Мария Вифлееме вуизы, но кунокуаын (гостиницаын) соослы инты ӧз сюры. Соин сэрен соос пудо возён гидэ интыяськоно луизы, нош та гид из гуын (пещераын) вал. Мариялэн нуны ваён дырыз вуиз. Нуныез вордскем бере, Мария Сое кутэтэн бинялтыса турын тыронэ понӥз.
Лукалэсь Ӟеч Ивор 2:1-7
292 
