Bible Stories
Выбрать язык
Choose Old Testament Story
Choose New Testament Story
ИИСУС ХРАМЫН
Иисус улӥз, быдэ вуиз Назарет карын. Арескыз будэмъя, Со лулыныз-сюлмыныз юнмаз, визьлык люказ, Инмарлэн дэлетэз Со вылын улӥз. Арлы быдэ Солэн музъем вылысь анай-атаез Иерусалиме Быдӟымнуналэз (Пасхаез) пумитаны ветлылӥзы. Иисуслы дас кык арес тырмем бере, Сое но бордазы кутӥзы.
Праздник ортчем бере, вань калык дор палаз вырӟиз, нош пинал Пи Иисус Иерусалиме кылиз. Тае Иосиф но, Мария но ӧз шӧдэ, соос малпазы, Пизы ӵыжы-выжыосынызы ӵош азьпалан мынэ шуыса. Но ӝоген Сое ӵыжы-выжыоссы, тодмооссы пӧлысь утчаны кутскизы, но ӧз шедьтэ. Соку соос Иерусалиме берытскизы, куинь нунал ортчыса гинэ, Сое храмысь дышетӥсьёс пӧлысь шедьтӥзы. Соослэсь кылзӥськыса, юалляськыса Со пуке вал; Солэн визьмызлы, ответ сётыны быгатэмезлы ваньзы паймыса улӥзы.
Иисуслэн Анаез паймемын вал котьку но кылзӥськись Пиезлэн, анай-атаезлы вератэк, храме кылемезлы. Анаез шуиз: «Пие! Мар Тон милемын лэсьтӥд? Тани Тынад атаед но, Мон но, туж куректыса, Тонэ утчамы». Соослы Со шуиз: «Малы тӥледлы Монэ утчаны кулэ вал? Оло, тӥ ӧд тодэ, Мыным отын луыны кулэ вал, кытын Мынам Атаелэн киыз улэ?» Тазьы вераса, Иисус валан сётӥз, Инмысь Атаез музъем вылын быдӟым уж лэсьтыны Сое дася шуыса. Нош анай-атаез Солэсь та верам кылъёссэ ӧз валалэ. Мария та кылъёсты ялан сюлмаз возиз.
Анай-атаеныз ӵош Иисус Назаретэ бертӥз, соослэсь кылзӥськыса улӥз. Иисус визьмын но, арлыдын но будӥз; Инмарлы но, адямиослы но Со яратыны ярамон вал.
Лукалэсь Ӟеч Ивор 2:40-52
308 
