Bible Stories
Выбрать язык
Choose Old Testament Story
Choose New Testament Story
ИИСУС ВУ ВЫЛТӤ ВАМЫШЪЯ
Нянен но чорыген паймымон уж лэсьтэм бераз, Иисус дышетскисьёссэ пыже пырыны но Аслэсьтыз азьвылгес тупала выжыны косӥз, нош Ачиз калыкез келяны кылиз. Калыкез келям бераз, Со гурезь йылэ вӧсяськыны тубиз; ӝыт но отын огназ улӥз. Нош со вакытэ дышетскисьёсыз зарезь шорын вал ини, пыж борды кужмо тулкымъёс шуккиськылыны кутскизы – пужет тӧл пельтӥз.
Ӵукна пал, ӟардон азьын, Иисус соос доры зарезь ву вылтӥ вамышъяса мынӥз. Нош дышетскисьёсыз, Солэсь зарезь вылтӥ лыктэмзэ адӟыса, куалектӥзы. «Та – пӧртмаськись!» – кышкаменызы черектӥськизы. Соку Иисус соослы вазиськиз, Со шуиз: «Сэзёмытске; Мон со, эн кышкалэ».
Соку Петр шуиз: «Кузё-Инмаре! Тон ке со, ву вылтӥ Тон доры монэ лыктыны кос». Иисус шуиз: «Лыкты». Пыжысь потыса, Петр Иисус доры ву вылтӥ вамышъяны кутскиз. Нош кужмо тӧллэсь кышкатскиз но выйыны кутскиз, бадӟым куараен черектӥськиз: «Кузё-Инмаре! Уть монэ». Иисус соку ик солы кизэ сётыса шуиз: «Ӧжыт оскись! Малы тон оскондэ ыштӥд?» Соос пыже пуксем бере, тӧл чусомиз. Пыжын пукисьёс Иисус доры лыктӥзы но йыбырттыса шуизы: «Зэм ик, Тон Инмар Пи».
Матфейлэсь Ӟеч Ивор 14:22-33
354 
