Bible Stories
Выбрать язык
Choose Old Testament Story
Choose New Testament Story
ДАС НЫЛЪЁС СЯРЫСЬ МАДЁН
Аслаз кыкетӥ пол лыктонэз сярысь тодытыса, Иисус таӵе мадён вераз:
«Соку Ин Эксэйлык, тыл ӝуатон басьтыса, эмеспиез пумитаны потэм дас нылъёслы укшалоз. Соос пӧлысь витез визьмоесь вылӥллям, нош витез – нодтэмесь. Нодтэмъёсыз тыл ӝуатонзэс басьтӥллям, нош вӧй басьтӥллямтэ; визьмоосыз тыл ӝуатонэнызы ӵош пиялаосазы вӧй басьтӥллям. Эмеспи ӝегамен сэрен, ваньзы нырулӥллям, умме усиллям. Уйшорын кесиськем куара кылӥськем: “Эмеспи лыктэ, потэлэ солэн пумитаз!“ Соку ваньзы та нылъёс султӥллям но асьсэлэсь тыл ӝуатонъёссэс тупатӥллям. Нодтэмъёс визьмоосызлы шуиллям: “Ваелэ милемлы вӧйдэс, милям тыл ӝуатонъёсмы кысо“. Нош визьмоосыз ответ сётыса шуиллям: “Ми но, тӥ но медам ёрме шуыса, мынэлэ вӧй вузасьёс доры но басьтэлэ асьтэлы“. Соос басьтӥськыны кошкем бере, эмеспи вуэм но, дасьёсыз соин ӵош сюан юонэ пыриллям, ӧсъёс ворсаськиллям. Собере вуиллям мукетъёсыз нылъёс но шуиллям: “Кузёмы! Кузёмы! Усьты милемлы“. Нош со ответ сётыса шуэм: “Зэм ик тӥледлы верасько: уг тодӥськы тӥледыз“. Озьы бере, сак улэ! Уд тодӥське уго Адями Пилэсь лыктон нуналзэ но, чассэ но».
Матфейлэсь Ӟеч Ивор 25:1-13
406 
