Дуннеен кушласькон: «Та дуннеез эн яратэ. Мар дунне вылын вань, сое но эн яратэ. Кин ке таизэ дуннеез яратӥз ке, солэн сюлмаз Атайлэн яратонэз уг улы. Уго ваньмыз мар вань дунне вылын – лулмугорлэн ортчыт кужмо кулэ каронъёсыз, синъёслэн уродлы синмаськонзы, вылтӥяськыса улон – Атайлэсь ӧвӧл, со та дуннелэсь луэ. Таиз дунне ортче-быре, солэн ортчыт кужмо кулэ каронъёсыз но быро, нош Инмарлэсь эриксэ быдэсъясь пумтэм вапумъёс улэ».
Христослы пумитъяськись (антихрист): «Ӧрекчаськись ӧвӧла со, кин Иисусэз Христос ӧвӧл шуыса лыдъя? Со – антихрист, Атаез но, Пиез но кулэтэм карись. Нокудӥзлэн но Пиез кулэтэм карисьлэн, Атаез но ӧвӧл; нош Пиез кулэ карисьлэн, Атаез но вань».
Утись Иисус Христос: «Тӥ тодӥськоды, Со асьмемыз сьӧлыкъёсмылэсь мозмытыны лыктӥз шуыса. Со бордын нокыӵе но сьӧлык ӧвӧл. Нокудӥз но Со бордын улӥсь мурт уг сьӧлыка».
Ӧрекчи пророкъёс: «Инмарлэсь Духсэ но йыромытӥсь духез тазьы висъяны луоно: Иисус Христос лулмугорын лыктӥз шуыса тодытӥсь дух Инмарлэсь луэ; нош дух, кудӥз Иисус Христос лулмугорын лыктӥз шуыса уг ке тодыты, со Инмарлэсь ӧвӧл, – со антихристлэн духез...»
496 
