Bible Stories
Выбрать язык
Choose Old Testament Story
Choose New Testament Story
ПАВЕЛ АПОСТОЛЛЭН ЫСТЭМ ГОЖТЭТЪЁСЫЗ
Выль Сӥзёнэ пыро Павел апостоллэн дас куинь ыстэм гожтэтъёсыз. Соосты со гожтӥз Римын, Коринфын, Ефесын, Филиппыын, Колоссыын, Фессалоникаын, Галатияын улӥсь христиан калыклы, нимысьтыз адямиослы – Тимофейлы, Титлы, Филимонлы. Та сяна, “Еврейёслы ыстэм гожтэтэз“ но лыдъяло Павел апостол гожтӥз шуыса. Павеллэн ыстэм гожтэтъёсыз луо Выль Сӥзёнлэн ньылетӥ люкетэз. Та гожтэтъёсы пырем Инмар Кыллэн узырлыкез туж бадӟым, мертаны луонтэм. Соин али асьмеос со гожтэтъёсысь кӧня ке люкетъёссэ гинэ басьтыса учкоме:
ЯРАТОН
«Инмар – со яратон» – тазьы дышетэ Библия.
Коринф карын улӥсьёслы ыстэм Нырысетӥ гожтэтаз Павел апостол яратон сярысь тазьы шуэ:
«Шуом, мон адями кылъёсын, кылчин кылъёсын, пе, быгатӥсько вераськыны, нош яратонэ ӧвӧл ке, соку мон шальтыртӥсь пу гырлы, дыбыртӥсь коскам крезь луисько. Инмарлэсь кылзэ ивортыны быгатонлыке, пе, вань, вань ватӥськыса улӥсь зэмлыкъёсты тодӥсько, котьмае но тодонэ, мур осконэ вань, гурезьёсты но интыысьтызы воштыны, пе, быгатӥсько, нош яратонэ ӧвӧл ке, – соку мон ваньлэсь ӧвӧлтэм маке гинэ луисько. Аслэсьтым вань байлыкме-узырлыкме, пе, люкылӥ, оскон понна аслэсьтым мугорме но сутыны сётӥ, нош яратонэ ӧвӧл ке – татысь мон нокыӵе но пайда уг басьты» (1 Кор. 13:1-3).
Яратон – со Иисус Христослэн быдэс дышетонэзлэн шорсюлмыз луэ: «“Кузё-Инмарез, аслэсьтыд Инмардэ вань сюлмыныд, вань лулыныд, вань мылкыдыныд яраты“. Та нырысетӥез но ваньмызлэсь бадӟымез курон-косон. Кыкетӥез но со кадь ик: “Матысьтэ астэ ачид кадь ик яраты“. Та кык курон-косонъёс вылын возиське быдэс закон но пророкъёс» (Мф. 22:37-40).
ЯРАТОН
«Яратон кема чида,
гажа-жаля;
яратон уг вожъяськы;
яратон ассэ вылӥе уг пукты,
уг вылтӥяськы,
яратон уг кереты,
уг даллашы;
аслыз пайда уг утча;
уг керӟегъяськы,
уродэз-лекез сюлмаз уг возьы,
ӧрекчаськонлы шум уг поты,
нош зэмлыклы шумпотэ;
яратон ваньмызлы дурбасьтэ,юн оске,
чылкыт сюлмын оскиське,
ваньзэ чида.
Яратон ноку но уз быры...
Нош али уло та куиньёс:
оскон, оскиськон, яратон,
но яратон соос пӧлысь ваньмызлэсь вылӥынгес».
Коринф карын улӥсьёслы ыстэм 1-тӥ гожтэт 13:4-13
500 - 501 
