Bible Stories
Выбрать язык
Choose Old Testament Story
Choose New Testament Story
КУЗЁ-ИНМАР ИЗРАИЛЬ КАЛЫКЕЗ ЕГИПЕТЫСЬ ПОТТЭ
Та уе ик Египетлэн эксэез Моисеен Ааронэз дораз ӧтьытӥз но соослы шуиз: «Израиль калык, султы, милям калыкмы пӧлысь кошкы. Мынэ, кызьы тӥ шуиськоды, Кузё-Инмарлы ужалэ-тырше. Ваньзэ пудо-животтэс бӧрсяды басьтэ. Мынэлэ...» Египет калык израиль калыкез ӝоггес кошкыны косӥз, соос малпало вал: «Ӧз ке кошке, ваньмы куломы-быромы».
Израиль калык Раамсесысь потыса, Сокхофе кошкиз – пиналъёсты лыдъятэк, пыдын мынӥсь пиосмуртъёс ог куать сю сюрс мурт вал. Израиль калык Египетын ньыль сю куамын ар пала улэм бераз, татысь кошкыны потӥз, соос бадӟым пудо уллёзэс но сьӧразы нуизы.
Египетысь поттэм чырсатытэк ныркем няньлэсь уднянь пыжизы: шумесэ котэм няньзы чырсаса ӧз вуы – уго дыртытыса соосты Египетысь уллязы, сюрес вылэ сиён но дасяса ӧз вуэ.
Инмар израиль калыкез калыктэм интыетӥ Горд кам (Чермной) зарезь пала нуиз. Кузё-Инмар гинэ тодэ вал кытчы кулэ Ас калыксэ нуыны. Соин ик Со нуназе пилем юбо пушкын, нош уин тыл юбо пушкын, соослэсь сюрессэс югдытыса, азязы мынӥз. Пилем юбо дугдыку, израиль калык балаганъёссэ пуктылыса шутэтскыны интыяськылӥз, нош со юбо вырӟе ке, израиль пиос со бӧрсьы вамыштӥзы. Нуназе пилем юбо, уин тыл юбо калык дорысь ноку но ӧз кошкылы.
Потон 12:31-40; 13:20-22
92 
