Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеРуфьПсалтирьПритчиЕкклесиастПесня ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

Руфень книгась

Руфь моли Воознэнь тингелангов

1Аламо шкань ютазь Ноеминь ававтозо мерсь Руфьнень: «Тейтерем, пароль монень муемс теть оймамо тарка од мирдень кудосо, косо тонеть улевель паро!2Мельсэть ашти: Вооз, конань важаванзо марто тон ульнить паксясо, минек малавикс инеськенек? Ней кунсолока: те вестэнть тингелангсо сон карми понжавтомо шужонзо.3А вана тон шляк-нардак, ваднек-тейть, оршить лангозот сехте паро оршамопелеть ды мольть тингепирев. Ансяк прят иляк невте тензэ семс, зярс сон а прядсы ярсамонзо-симеманзо.4Зярдо сон туи удомо, вант мельганзо, козонь сон мади. Сестэ сат, кепедьсак пильге пестэ вельтямонзо ды мадят тозонь. Сон ёвты теть, мезе тонеть эряви теемс седе тов».*а5Руфь мерсь ававтонстэнь: «Тейса весементь, мезе тон кармавтыть монень».

6Руфь тусь тингелангов ды теизе весементь, кода кармавтсь ававтозо.7Вооз ярсась-симсь ды паро ёжосо тусь удомо оровт ваксс. Аламос учозь Руфь састыне сась, кепедизе пильге пестэ Воозонь вельтямонзо ды мадсь.8Пелеветь Вооз сыргозсь, велявтнезевсь ды апак учо редизе пильге песэнзэ мадезь тейтерьаванть!9Вооз кевкстизе: «Кият тон?». Тейтерьавась мерсь: «Мон Руфь, тонь уреть. Саемак монь, эсеть уреть, сёлмот алов, эдь тон монь малавикс инеське, кисэнь аштиця».10Вооз мерсь: «Ялгинем-оинем, кадык тонь чанстятанзат Азорось [Пазось]! Ней, зярдо тон эзить карма веёндонь од цёрань вешнеме, кажовонь эли сюпавонь, тон седеяк парсте невтик эсеть кеме вечкемат буентень-инеськентень сень коряс, зярдо туить ававтот марто.11Ялгинем-оинем, тон иля пеле: весе ошонь эрицятне содатадызь тонь ансяк паро ёндо. Мон тейса весементь, мезде тон энялдат.12Ансяк оно мезе: те виде, мон тонь кисэ аштиця инеське, ялатеке мондень башка ули кисэть лия аштиця, конась тонеть мондень малавикс.13Тейтяно истя: ютавтык те венть теске. Ванды, бути сон саи мель мелявтомс кисэть кода инеське, те ули вадря, кадык мелявты. Вана а саиндеряй мель кисэть мелявтомс, сестэ, алтан-пежедькстан эрий Инешкипазосонть: мон карман тонь кисэ мелявтомо. Ней удок валскес».

14Истя Руфь удось Воозонь пильге песэ валскес ды стясь чоподава, зярдо оштё а содавиль ломанень чачо-рунго. Вооз арсесь эськанзо: «Тингепирев самодонзо кияк илязо сода».15Сон мерсь Руфьнень: «Венстика монень ланга каявксот ды кирдть пензэ». Руфь кирдсь, ды Вооз онкстась [тензэ] кото онкст*б шуж, кепединзе Руфень лавтов лангс ды сонсь тусь ошов.

16Вана Руфь сась эсензэ ававтонстэнь. Се кевкстизе: «Мезе ёвтат, тейтерем?». Руфь ёвтнизе весе, мезе тейсь тензэ те ломанесь.17Мейле поладсь: «Сон макссь монень шужонь натой кото онкст ды мерсь: "Чавонь кедьть иля моле ававтот туртов"».

18Ававтось каршонзо мерсь: «Тейтерем, учок семс, зярс а кармат содамо, мейсэ прядови тевесь. Те ломанесь а ойми течи тевенть апак прядо».

*а 3.4 Сестэнь койтнень коряс истя вешневиль неже, кисэст аштиця.

*б 3.15 онкс – тесэ: нилешка килограммат.

 Глава 3