Выбрать язык
Книги Ветхого Завета
Книги Нового Завета
с русским текстомМоравтомань ветицянтень. Давидэнь псалмась.
1Мон шнан Эйсэть, Пазом!
Иля чатьмоне!
2Зыяновтнень ды салава сускицятнень кургост
кортавтыть-сёвныть монь.
Сынь кортыть мартон манчицянь кельсэ.
3Эрьва ёндо пирить монь авечкемань валсо,
тувталтомо молить монь каршо.
4Мон сынст вечксынь – сынь пансить монь.
Мон ялатеке ознан.
5Паронть кисэ пандыть монень кежсэ,
вечкемань кисэ – авечкемасо.
6Стявтык зыяновонть монь ятонть каршо кортамо,
кадык идемевсесь*а ашти вить кедензэ ёно ды чумонды сонзэ.
7Зярдо кармить судямонзо, лисезэ чумокс,
ды озномазояк кадык ули тензэ пежетекс.
8Нурькалгадост сонзэ эрямонь читне,
ды кадык лиясь сайсы ваныцянь тарканзо.
9Эйкакшонзо кадык кадовить урозокс,
ды низэ – довакс.
10Кадык эйкакшонзо азгондить-пурныть
ды вешить кши сускомот каладо кудост эйстэ васолга.
11Кадык долкс максницясь нельгсы весе ули-паронзо,
ды веёндонсетне саласызь важодезь таштазензэ.
12Илязо уле кисэнзэ мелявтыця,
илязо уле сонзэ урозтнэнень седеймариця.
13Кадык кулыть эйкакшонзо-нуцьканзо,
ды кадык нардави лемезэ эйкакштонзо мейле.
14Кадык Азорось кирди мельсэнзэ
сонзэ тетятнень зыянов тевест,
ды илязо стувтово сонзэ аванзо пежетесь.
15Улест сынст пежетест свал Азоронть сельмензэ икеле.
Кадык Сон нардасы неть ломантнеде
ледстнемантькак моданть лангсто.
16Те ломанесь эзь арсе паронь тееме.
Сон пансь кажовонть, пиштицянть,
ризныця-янксиця седеенть куломас.
17Вечкевсь тензэ сюдомась – сюдомась прыяк сонзэ лангс.
Арасель мелезэ чанстямс-баславамс – чанстямось туияк эйстэнзэ.
18Сон тапари сюдома потс, теке ризас.
Кадык сови сюдомась, теке ведь, потмозонзо
ды, теке елей, – ловажазонзо.
19Улезэ сонензэ сюдомась теке оршамопель,
конасонть сон оршни,
теке каркс, конасонть свал эрси карксазь.
20Истя Азорось панды монь яттнэнень
ды монь ланга беряньстэ кортыцятненень.
21А вана Тон, Азоро, монь Азором,
стяк кисэнь Эсь леметь кисэ!
Тонь седеймарямот покш!
Идемак монь!
22Мон кажован ды пиштян,
ды монь седеем колазь.
23Мон ёман теке чокшнень сулей,
монь ёртыть теке тастонть.
24Монь кумажан лавшомсть постовамодо,
ды рунгом пек берякадсь.
25Мон теевинь яттнэнь туртов згилямо таркакс.
Монь неезь, чаравтыть прясост.
26Лездак тень, Азоро, монь Пазом!
Идемак монь седеймарямот коряс!
27Кадык сынь содыть: те Тонь кедеть,
ды Тон, Азоро, тень теик.
28Сынь сюдыть, ансяк Тон баславамак-чанстямак.
Сынь пря кепсить – кадык ваить визьксчамас,
Тонь уреть жо кадык кенярды.
29Кадык монь каршо молицятнень копачасынзе покордамось
ды оршамопелекс тенст ули эсест визьксэст.
30Верьга вайгельть мон карман сюкпрянь ёвтамо Азоронтень
ды ламо ломань ютксо инелгавтомо Сонзэ.
31Эдь Сон ашти кажовонть кисэ вить кедензэ ёно
ды менсти сонзэ судонь теицятнеде.
Шнамо
*а 108:6 Евреень кельсэ те валось тесэ сатана, ды сонзэ кавто смустензэ: чумондыця ды Пазонть сехте покш ятозо.
Глава 108