Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 142
Азоро, монь оймем бажи Тонеть
Давидэнь псалмась, зярдо сонзэ мельга пансесь Авессалом цёразо.
1Азоро! Марик монь озномам,
кунсолык монь энялдомам Эсь алкуксчить коряс
ды ёвтак каршо вал Эсь видечить коряс.
2Иляк совавто Эсеть судс Тонь уреть –
кияк Тонь икеле а ловови чумовтомокс.
3Душманось пани монь оймем, чалгсимим модас,
кармавтымим эрямо чоподасо, кода умок кулозтнень.
4Оймевием маштсь,
монь седеем талны-сэреди.
5Мон ледстнян кезэрень читнень,
арсян весе Тонь тевтнеде,
яжан превень Тонь кедеть тевтнень коряс.
6Мон венстнян кедень Тонеть.
Монь оймем, теке коськезь мода, ченги Тонь кисэ.
7Седе куроксто марямак монь, Азоро,
оймевием маштсь.
Иля кекше чачот монь эйстэ,
илязан тееве мон калмос туицятнень кондямокс.
8Макст монень ашолгадома шкасто марямс Тонь седеймарямот,
Тонь лангс мон кеман-нежедян.
[Азоро], невтик монень кинть, конань эзга молема монень,
эдь Тонеть кепети монь озномась.
9Менстемак монь, Азоро, душмантнэде.
Ансяк Тонь кедьсэ мон улян кекшезь.
10Тон монь Пазом,
тонавтомак монь Тонь мелеть топавтомо.
Кадык Тонь паро Оймеялтось
ветясамам монь видечинь масторов!
11Эсь леметь кисэ, Азоро,
вельмевтемак монь,
Эсь видечить кисэ
менстик монь оймем стакачитнеде.
12Эсеть седеймарямот коряс
куловтыть монь душмантнэнь
ды ёмавтыть весе монь лепштицятнень,
эдь мон – Тонь уреть.
Шнамо
Глава 142
