Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 18
Пазонь инексчись Сонзэ тевтнесэ ды койсэнть
1Моравтомань ветицянтень. Давидэнь псалмась.
2Менельтне ёвтнить Пазонть инексчидензэ*а,
Сонзэ кедьчелькеде корты менельлангось.
3Вейке чись омбоцентень теде ёвтни,
ды вейке весь омбоцентень тень панжи.
4Сынь теде ёвтнить апак корта ды валтомо,
амарявикс вайгельсэ.
5Ялатеке весе моданть келес гайги сынст вайгелест,
мирэнть-масторонть пес пачкоди сынст куляст.
Менельс Пазось тейсь чинтень эрямо тарка.
6Урьвакстыця ладсо лиси чипаесь
урьвакстомань удома таркастонзо,
кенярды, теке виев чийниця,
кона чии сонензэ онкстазь кияванть.
7Менеленть ве чиресэ лисема тарказо,
ды менеленть лия чиресэ валгома тарказо.
Чипаень лембенть эйстэ мезеяк а кекшеви.
8Азоронь коенть арасть асатыксэнзэ,
сон кемексты ойменть.
Азоронть валось кемевикс,
превс путы асодыцятнень.
9Азоронть аравтовкстнэ*б видеть,
сынь кенярдовтыть седей.
Азоронть кармавтовкстнэ*в валдот,
сынь валдомтыть сельметь.
10Азордонть пелемась ванькс, ды сон ули свал.
Азоронть судтнэ алкуксонь, весе видеть.
11Сынь сырнеде питнейть,
ламодояк ламо ванькс сырнеде питнейть,
медте ды керяз медень петнявкстояк ламбамот.
12Тонь урентькак сынь ванстыть,
сынст топавтомасо ине казне.
13Кие чарькодьсынзе эсь ильведевксэнзэ?
Ванськавтомак монь пежеттнеде, конатнень теян апак сода.
14Кирдик Эсеть уреть содазь пежеттнедеяк,
илязо уле азорксчист монь лангсо –
сестэ улян пежеттемекс ды ваньксэкс ламо берянь тевтнеде.
15Кадык монь валон ды седеень мелень-арсеман
улить Тонеть мельстуицякс,
Азоро, монь кеме таркам ды олякстомтыцям!
*а 18:2 инексчи – слава
*б 18:9 аравтовкс – устав, постановление
*в 18:9 кармавтовкс – заповедь
Глава 18
