Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 20
Пазось сюпавсто чансти инязоронть
1Моравтомань ветицянтень. Давидэнь псалмась.
2Азоро! Инязорось эрьгели Тонь максовт виенть кисэ,
пек кенярды Тонь казевть идеманть кисэ.
3Тон топавтык тензэ сень, мезес бажась седеезэ,
эзик велявто чачот сонзэ вешемадонзо.
4Тон вастык сонзэ пародо пештязь чанстямосо,
путыть прязонзо ванькс сырнень каштаз.
5Сон вешсь Тонь кедьстэ эрямо –
Тон максыть тензэ кувака иеть пингеде пингес.
6Тонь лезксэть кандсь сонензэ покштояк покш содавиксчи.
Тон вельтик сонзэ инексчисэ ды сияждомасо.
7Максыть тензэ чанстямо пингеде пингес,
ине кеняркс казить сонензэ Эсеть марто.
8Эдь инязорось кеми-нежеди Азоронть лангс,
ды Верепазонть седейлембесь вансты сонзэ инязоронь тарканть чатамодо-прамодо.
9Азоро, Тонь кедесь мусынзе весе душманот.
Тонь виев вить кедесь мусынзе [весе] Тонь авечкицятнень.△
10Эсеть кежень само шкасто
Тон кармавтсыть сынст гайни каштомокс лыйнезь паломо.
Тон, Азоро, нилезь нильсыть сынст Эсь кежсэть,
ды толось пултасынзе-ёмавтсынзе сынст.
11Тон маштнесыть моданть лангсто сынст эйкакшост,
сынст раськень поладыцясткак ёмить ломантнень ютксто.
12Эдь сынь арсесть нолдамс Тонь лангс зыян
ды понасть апаро тевть,
ансяк эзь сато виест [сынст топавтомс].
13Тон кармавтсыть сынст оргодеме
ды мельгаст нолдасыть Эсь налот.
14Азоро, невтик-яволявтык Эсь виеть,
ды минь карматано моравтомо ды шнамо Тонь инексчить.
Шнамо
Глава 20
