Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 64
Пазонть паро казнензэ
1Моравтомань ветицянтень. Давидэнь псалмась. Моро.
2Пазом, Тонь шныть Сионсо.
Весе Тонеть максозь алтамотне топавтовить [Иерусалимсэ].
3Тон марясак озноманть.
Тонеть сыть весе раськетне.
4Пежеттне стакасто лепштить монь лангс,
ансяк Тон нолдат-простят весе минек зыянов тевтнень.
5Уцяскав се, кинь Тон кочкик
ды саик малазот эрямо Тонь озкудонь пирявтонть потсо.
Тосо минь пешкедтяно Тонь кудонь паросонть,
Тонь иневанькс таркань паросонть!
6Тон, минек идиця Пазонок,
марят эйсэнек ды невтят миненек Эсь видечить
дивавтыця-тандавтыця тевсэть.
Тонь лангс кемить-нежедить модамасторонь весе петне
ды васоло иневедтне.
7Эсеть вийсэ Тон путат-кепедят кеме пандот,
конат невтить Тонь ине виеть.
8Тон сэтьмелгавтат иневедтнень шалтонть,
ведьвелявкстнэнь увноманть
ды раськетнень каршо молеманть.
9Тонь дивань тевтнеде пелезевить
моданть петнева весе эрицятне.
Чилисема ды чивалгома ёно кецязь шныть Тонь.
10Тон мелявтат моданть кисэ
ды явавтат сонзэ симеманзо,
теят вадрякс ды кастыцякс сонзэ.
Пазонь чудикерьксэсь пешксе ведте!
Тон кастат ломантненень сюро
ды анокстат тенень моданть.
11Тон симдят ведте сонзэ соказь кикстнэнь,
кавшакавтнят сонзэ покольтнень,
чевтелгавтат эйсэст пиземень коволсо
ды чанстят сонзэ лисевкстнэнь.
12Сюпавсто-важовсто Тон прядат иенть.
Китне-янтнэ, кува Тон якат,
кандыть покш норов*а.
13Чаво модасо ракшань ванома таркатне начтозь ведьсэ,
ды губорькстнэ карксавить кеняркссо.
14Луганартнэва якить стадат,
ды лайметнева лымбакстнить сюрот.
Весемесь эрьгели, ды весе морыть кецязь.
*а 64:12 норов – урожай
Глава 64
