Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 75
Пазонть икеле весемесь општ мери
1Mоравтомань ветицянтень. Струна марто седямопельсэ. Асафонь псалмась. Моро.
2Иудасо содасызь Пазонть.
Израильсэ Сонзэ лемезэ ине.
3Сонзэ коцткудозо Салимсэ
ды эрямо-аштема тарказо Сионсо.*а
4Тосо тапинзе Сон пултыця налтнэнь,
ваксаронть ды торонть
ды лоткавтызе тюреманть.
5Тонь эйстэ моли сияждома.
Тон пингеде пингень пандотнедеяк△ седе виеват.
6Ушмантнэнь саезель весе уличист,
сынь матедевсть кеме удомасо,
ды эзть кепедеве неть виевтнень кедесткак.
7Тонь тандавтнемадонть, Иаковонь Пазось,
матедевсть крандазосткак ды айгоросткак.
8Тон тандавтниця!
Кие цидярды Тонь икеле, зярдо Тон кежиявтат?
9Менельстэ Тон яволявтат-судят:
модась пелезеви ды сэтьмелгады-чатьмонезеви,
10зярдо Тон, Пазом, стят судонь тееме
модань весе лепштязтнень идемаст кисэ.
11Ломанень кежеськак велявты Тонеть инексчикс*б.
Те кеженть эйстэ меельцентькак Тон лоткавтсак.
12Максодо алтамот Азоронтень, тынк Пазонтень,
ды топавтодо сынст.
Весе, кить Сонзэ перька, кандост казнеть Сенень,
кие тандавтыця.
13Сон лепшти-карды чинязтнэнь каштанчист,
Сондензэ пелить модань инязортнэ.
*а 75:3 Салим ды Сион невтить вейке тарка – Иерусалим.
*б 75:11 инексчи – слава
Глава 75
