Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 84
Азоро, таго невтик седеймарямот ды идемизь!
1Моравтомань ветицянтень. Кореень буенть псалмась.
2Азоро! Тон теить мельспаро масторот туртов,
Тон велявтык полонсто Иаковонь.
3Тон нолдыть раськеть апаро тевензэ,
нардыть весе сонзэ пежетензэ.
4Тон лоткить минек лангс ацирьгалемадо,
мадстик палыця Эсеть кежеть.
5Велявтт таго минек ёнов, идиця Пазонок,
ды лоткак лангозонок кежиявтнемадо.
6Эли пингеде пингес кармат кирдеме кеж минек лангс,
буестэ буес поладсак-ванстасак Эсь кежеть?
7Одов вельмевтемизь минек!
Сестэ раськеть карми кенярдомо Тонь кувалт.
8Невтик миненек, Азоро, Тонь седеймарямот
ды казик тенек Эсь идемат.
9Мон кунсолоса, мезе ёвты Азоро Пазось.
Сон алты сэтьмелув Эсензэ раськентень,
Эсензэ кочказтненень.
Ансяк сынь таго иляст пра превтемечис.
10Алкукс, Сонзэ идемась маласо сетненень,
кить пелить Сондензэ.
Истя Пазонь шнамось свал карми улеме минек масторонть лангсо.
11Седеймарямось ды алкуксчись вастовить.
Видечись карми палсеме ладямонть марто.
12Мода лангсо Пазонь мелень топавтомась максы лисевкст,
ды видечись ваны тень лангс менельстэ.
13Азорось максы миненек весе паронть,
ды минек модась рашты норов*а.
14Видечись карми молеме Азоронть икеле
ды анокстасы Сонензэ кинть.
Шнамо
*а 84:13 норов – урожай
Глава 84
