Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 90
Пазось вансты тонь
Давидэнь шнамоморозо.
1Кие эри ванстозь Верепазонть сёлмонзо ало,
ды кие оймси Весеменькирдинть сулеензэ экшсэ,
2се корты Азоронтень:
«Тон – монь кекшема таркам ды ванстома таркам,
монь Пазом, конань лангс мон кеман!».
3Пазось ванстатанзат тонь пистенде,
менстятанзат эрьва кодамо куломань ормадо.
4Эсензэ толгасонзо вельтятанзат тонь,
ды Сонзэ сёлмонзо ало муят кекшема тарка.
Тонь ваксарось ды кеме пирявксось – те Сонзэ видечись.
5А пелезеват тон вень тандавтнематнеде,
налтто, кона ливти чить,
6куломань ормадо, кона салава яки чоподава,
педи ормадо, кона чамды-правты чинь куншкат.
7Кадык прыть тонь вакссо тёжа ломанть
ды мик кемень тёжат тонь перька –
тонь те а токатанзат.
8Тон ансяк кармат ваномо ды эсеть сельмесэть нееме
зыяновтненень кежень пандоманть.
9Тон мерить: «Азорось – монь кекшема таркам».
Верепазонть кочкик тон эсеть нежедьксэкс.
10А тееви тонеть кодамояк зыян,
ды берянесь юты тонь кудонть вакска.
11Пазось кармавты Эсензэ ангелтнэнень
ванстомс тонь весе китнень лангсо.
12Сынь кандтадызь тонь кедест лангсо:
илязо эшкеве пильгеть кевс.
13Куловтыця гуй ды тумогуй лангс чалгат –
шешкат лев ды дракон.
14Азорось корты: «Сон вечксамам Монь, секс идеса сонзэ.
Сон содасамам Монь, секс ванстаса сонзэ.
15Сон тердьсамам Монь – ды маряса сонзэ.
Мон Сонзэ марто ризкссэяк-мелявкссояк.
Мон менстяса зыянсто ды тейса сонзэ инекс.
16Мон казян тензэ кувака эрямо ки,
ды сон несы, кода Мон сонзэ идеса».
Шнамо
Глава 90
