Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 95
Азорось – модань-масторонь инязор
Давидэнь шнамоморозо. Кудонь путоманень.
1Морадо Азоронтень од моро!
Морак Азоронтень, весе модалангось!
2Морадо Азоронтень, шнадо Сонзэ лемензэ!
Чиде чис ёвтнеде: ”Сон минек Идицянок!”
3Ёвтнеде раськетнева Сонзэ инексчидензэ,
весе буетнева – сонзэ дивань тевтнеде!
4Азорось – ине, ды Сонзэ пек шныть!
Пеледе Паздонть, Сон весемеде покш
весе лия пазтнэнь коряс.
5Лия раськетнень весе пазтнэ – кедьтеевкст,
А вана Азорось теизе менеленть.
6Сонзэ перька инексчись ды шнамось,
Сонзэ иневанькс эрямо таркасонть виесь
ды певтеме мазычись.
7Раськетне-буетне, шнадо Азоронть!
Шнадо Азоронть инексчинзэ ды виензэ!
8Шнадо Азоронть лемензэ инексчинть!
Кандодо казнеть ды моледе мартост Сонзэ кудотнес-читнес!
9Сюконядо Азоронтень Сонзэ иневанькс эрямо тарканзо мазычисэ!
Сорнозо Сонзэ икеле весе модалангось!
10Ёвтадо раськетненень: Азорось – инязор!
Секскак кеместэ ашти модась-масторось, сон а чатазеви.
Азорось карми судямо раськетнень видечинь коряс.
11Эрьгелезэ менелесь ды кенярдозо модалангось!
Шалнозо иневедесь ды весе, мезесь пешти сонзэ!
12Кенярдозо паксясь ды весе, мезе лангсонзо,
ды кецнест-элякалест вирень весе чувтотне
13Азоронть икеле!
Эдь Сон сы, Сон сы судямо модалангонть.
Сон карми судямо моданть-масторонть видечинь коряс
ды раськетнень – Эсензэ алкуксчинзэ коряс.
Глава 95
