Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
2 Псалом
Давидлӧн псалом.1 Мыйлӧ лэбтісьӧны отиррез?
Мыйлӧ ентӧдтӧммез лӧсьӧтчӧны керны ковтӧмсӧ?
2 Му вылісь ӧксуэз
*а лэбтісьӧны,
и юраліссез ӧтлаын баитчӧны
Дӧсвидзисьлӧ да Сылӧн Ма́втӧмлӧ
*б паныт мунны.
3 Нія шуӧны:
«Орӧтам ас вывсиным Нылісь кӧртӧттэсӧ,
чапкам вывсиным домӧттэсӧ!»
4 Енӧжжезас
*в Юралісьыс шыннялӧ,
Дӧсвидзисьыс сералӧ ны вылын.
5 Аслас лёксялӧ́мӧн Сія нійӧ повзьӧтас,
лӧгувьяс нылӧ висьталас:
6 «Ме мавтӧмӧн сувтӧті Ассим Ӧксуӧс
Сион вылӧ, Менам вежа керӧс вылӧ».
7 Ме юӧрта Дӧсвидзисьлісь кыввесӧ.
Сія Меным висьталіс:
«Тэ Менам Зон,
Ме талун Тэнӧ чужті.
8 Кор Менчим,
и сета Тэныт отирресӧ,
быдӧс мусӧ Тэнат кипод увтӧ сета.
9 Тэ нійӧ кӧрт бедьӧн паздан,
сёй доззэз моз пазӧтан».
10 Сідзкӧ, ӧксуэз, мывкыдсялӧ!
Му вылас судын бӧрйисиссез, велӧтчӧ!
11 Дӧсвидзисьлӧ кысъялӧ
*г полӧмӧн,
гажӧтчӧ [Сы одзын] зэгся́н сьӧлӧмӧн.
12 Бурӧ пуктӧ Зонсӧ,
медбы Дӧсвидзисьыс эз лӧгась
да тійӧ эдӧ кулӧ туй выланыт.
Чожа эд Сылӧн лӧгыс ыпнитас.
Шудаӧсь Сы вылӧ надейтчиссес быдӧнныс.
*а 2:2 ӧксу ─ царь
*б 2:2 Ма́втӧм ─ Помазанник
*в 2:4 енӧж ─ небо
*г 2:11 кысъявны ─ служить
Глава 2
