Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
80 Псалом
1 Сьыліссезӧн веськӧтлісьлӧ. Орсӧны Гефись орса́н вылын. Асафлӧн псалом.2 Гажӧн сьылӧ Еныслӧ!
Сія миян вынным.
Горӧн сьылӧтӧ Яковлісь Енсӧ!
3 Орсӧ сьыланкы́в тимпан вылын,
басӧка орсӧ сиа орса́н вылын, гусли вылын.
4 Миян «Виль тӧлісь» вежалунӧ
пӧльтӧ букса́нӧ
*а аскадӧ.
5 Сідз вӧлі висьталӧм керны Израиль отирлӧ,
сідз тшӧктӧм керны Яковлӧн Ен.
6 Еныс сідз тшӧктіс керны,
кӧр Ӧсиплӧн увтырыс петіс Египетісь.
Сэтӧн нія кылісӧ баитӧ́м,
кӧдӧ одзжык эзӧ кывлӧ:
7 «Ме босьті тэнат пельпон вылісь сьӧкыт ноптӧ,
тэнат киэт сьӧкытсӧ кыскалӧ́мись мезмисӧ.
8 Тэ корин Менӧ,
кӧр сьӧкыта пессин-мырсин,
и Ме тэнӧ мезді.
Гымала́н кымӧр пытшксянь Ме тэкӧт баиті,
Мерива ва дорын Ме тэнӧ тӧдмалі-видзӧті.
9 Менам отир, кывзӧ,
Ме понда тіянӧс ӧвны.
Ок, Израиль, кӧбы кывзісин тэ Менӧ!
10 Ась озӧ лоӧ тэнат мӧдік еннэз,
и мӧдік отирлӧн еннэзлӧ эн копрась.
11 Ме ─ Дӧсвидзись, тэнат Ен.
Ме петкӧті тэнӧ Египет муись.
Осьт ассит ӧмтӧ, и Ме сійӧ тырта.
12 Но Менам отирӧ эзӧ кывзӧ Менчим баитӧ́мӧс,
Израиль отирыс Менӧ эзӧ кывзісьӧ.
13 Сійӧн Ме коли нійӧ овны муг
*б сьӧлӧмныс сьӧрті,
лэдзи керны юраныс пыртӧ́м сьӧрті.
14 Ок, Менӧ кӧбы кывзіс Менам отирӧ,
и ветлӧтіс бы Израильыс Менам туйез вылӧт!
15 Сэк ны вылӧ лэбтісьӧммесӧ Ме бы чожа раммӧті.
Нійӧ дзескӧтліссесӧ Менам киӧ бы вӧтіс.
16 Киннэз Дӧсвидзись йылісь пельӧн озӧ бы кывзӧ,
нылӧ коліс бы кысъявны Менам отирлӧ.
А Менам отирӧ пыр бы бура оліс.
17 Ме верді бы нійӧ медбур шогді няньӧн,
нія пӧтлісӧ бы из пытшкись маӧн».
Ошкӧ́м.
*а 80:4 букса́н ─ труба
*б 80:13 муг ─ упрямый
Глава 80
