Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
89 Псалом
1 Моисейлӧн, Ен мортлӧн, кеймӧ́м.2 Дӧсвидзисьӧ, айезсянь челядьӧдз
Тэ миянлӧ пыр дзебсисянін.
3 Керӧссэз аркмытӧдз,
мусӧ да енӧжжесӧ Тэнат аркмӧтӧ́мӧдз
Тэ вӧлін Ен,
и пыр лоан Енӧн.
4 Мортсӧ Тэ бӧр пӧртан муӧ.
Тэ шуан:
«Мортсянь чу́жӧммез,
бӧр пӧртчӧ муӧ».
5 Тэнат син одзын сюрс воыс
*а кыдз тӧння лун,
кӧда чулаліс ни,
кыдз ойся дженыт кад.
6 Тэ отирсӧ кылӧтан,
кыдз ыждӧм ваӧн,
нылӧн ола́ныс вӧт кодь.
Нія кыдз турун,
кӧда асывнас быдмӧ, дзоридза́сьӧ
*б,
а рытнас кельдӧтӧ да косьмӧ.
7 Тэнат лӧгсянь мийӧ ӧшам,
Тэнат лёксялӧ́мсянь мийӧ зэгсям-полам.
8 Миянлісь лёк керӧ́ммесӧ Тэ пуктін Аслат син одзӧ,
гусьӧн умӧль керӧ́ммезнымӧс ─
Аслат югыт чужӧ́м одзӧ.
9 Ола́н луннэзным Тэнат лӧгын чулалӧны,
миян ола́нным ышловзисьӧ́м моз бырӧ.
10 Миян ола́нным ─ сизимдас
*в во,
а могутнӧйжыккез
*г кыкьямысдас
*д во олӧны.
Сэтісь унажык кадыс уджалӧ́м да шогалӧ́м.
Ола́н луннэс ӧддьӧн чожа чулалӧны,
и мийӧ лэбзям.
11 Кин тӧдӧ Тэнат лӧглісь вынсӧ?
Кытшӧм вына Тэнат лёксялӧ́мыт,
сэтшӧм вынӧн отирсӧ кутӧ Тэись полӧ́мыс.
12 Велӧт миянӧс сідз лыддьыны ассиным ола́н луннэсӧ,
медбы мывкыдыс сьӧлӧмӧдз йиджис.
13 Дӧсвидзись,
дыр я пондас этадз кыссьыны?
Бергӧтчы миянланьӧ,
жалейт Ассит раббетӧ!
14 Небыт сьӧлӧмсянь керӧ́мметӧ
одз асывсянь сет миянлӧ пӧттӧдз,
медбы мийӧ вермим гажмыны,
ола́нісь быд лунӧ гажӧтчыны.
15 Сет миянлӧ гажсӧ нія луннэз туйӧ,
кӧр Тэ миянӧс вачкывлін,
нія воэз туйӧ,
кӧр мийӧ пессим-мырсим.
16 Тэнат раббет ась адззылӧны Тэнчит керӧ́мтӧ,
нылӧн челядьыс ─ Тэнчит югьялӧ́мтӧ.
17 Миян Дӧсвидзись Енным,
ло миян дынӧ бур сьӧлӧма!
Уджсӧ кериканым отсав миянлӧ.
Мый пондам керны, Тэ миянӧс вынсьӧт.
*а 89:5 во ─ год
*б 89:6 дзоридза́сьны ─ цвести
*в 89:10 сизимдас ─ 70
*г 89:10 могутнӧй ─ сильный, крепкий
*д 89:10 кыкьямысдас ─ 80
Глава 89
