Выбрать язык
Книги Ветхого Завета
Книги Нового Завета
без русского текстаВЕЖА АПОСТОЛ ПАВЕЛЛӦН РИМЫН ОЛІССЕЗЛӦ ГИЖӦТ | ПАВЕЛОНЬ СЁРМАЦ РИМ ОШЕНЬ КЕМАЙХНЕНДИ |
9 Глава | Глава 9 |
| 1Ме, Кристослӧн морт, висьтала быльсӧ и менам сьӧлӧмӧ ӧтлаын Вежа Ловкӧт висьталӧ: ме ог бӧбӧт. | 1Истину говорю во Христе, не лгу, свидетельствует мне совесть моя в Духе Святом, |
| 2Ме ёна тӧждіся да сьӧлӧмӧ дугдывтӧг висьӧ асланым отир понда. | 2что великая для меня печаль и непрестанное мучение сердцу моему: |
| 3Воннэзӧ понда меным бы аслым лоны ёрдӧмӧн да янсӧтӧмӧн Кристосыс дынісь, отсалас кӧ эта нылӧ. | 3я желал бы сам быть отлученным от Христа за братьев моих, родных мне по плоти, |
| 4Нія Израиль отир. Нійӧ Еныс пуктӧм Аслас зоннэзӧ, нылӧ мыччалӧм Ассис югьялӧмсӧ*а. Ныкӧт Сія керлӧм йитӧттэз*б. Нылӧ вӧлі сетӧм Туйдӧтыс. Нійӧ сувтӧтӧмась Енлӧн Вежа Керкуын уджавны, нылӧ Еныс и кӧсйӧм вӧлі уна. | 4то есть Израильтян, которым принадлежат усыновление и слава, и заветы, и законоположение, и богослужение, и обетования; |
| 5Эта увтырлісь айесӧ быдӧнныс тӧдӧны. Ны увтырись морт моз чужис и Кристосыс. Сія ─ быдӧс вылын Ен. Сылӧ пырся-пыр ошкӧм! Аминь. | 5их и отцы, и от них Христос по плоти, сущий над всем Бог, благословенный во веки, аминь. |
| 6Он эд висьтав: Енлӧн висьталӧм сьӧрті эз пет. Израиль айсянь чужӧммес абу эд быдӧнныс Израиль отир. | 6Но не то, чтобы слово Божие не сбылось: ибо не все те Израильтяне, которые от Израиля; |
| 7Да и Авраамсянь чужӧммес абу быдӧнныс сылӧн челядь. Еныс тай Авраамыслӧ висьтавлӧм: «Тэнат увтырӧн пондасӧ шуны дзир Исак зоныт вужсянь чужӧммесӧ». | 7и не все дети Авраама, которые от семени его, но сказано: в Исааке наречется тебе семя. |
| 8Сідзкӧ, Авраамсянь чужӧммес абу быдӧнныс Енлӧн челядь. Енлӧн челядьӧн лыддьӧны Сы кӧсйӧм сьӧрті чужӧммесӧ. | 8То есть не плотские дети суть дети Божии, но дети обетования признаются за семя. |
| 9Еныслӧн кӧсйӧмыс вӧлӧм сэтшӧм: «Мӧдпыр эта жӧ кадӧ локта, сэк Сарраыслӧн чужас зон». | 9А слово обетования таково: в это же время приду, и у Сарры будет сын. |
| 10Абу эд дзир ӧтік эта кӧсйӧмыс. Сідз вӧлӧм и Ревеккакӧт. Ӧтік кадӧ миян увтырлӧн Исак айсянь сія сьӧктӧм вӧлі кык зонӧн. | 10И не одно это; но так было и с Ревеккою, когда она зачала в одно время двух сыновей от Исаака, отца нашего. |
| 11Ибо, когда они еще не родились и не сделали ничего доброго или худого (дабы изволение Божие в избрании происходило | |
| 11-12Зонкаэс абу керӧмась бурсӧ, абу керӧмась умӧльсӧ, абу на вӧлі шогмӧмась да. Эшӧ сэк Еныс вӧлі висьталӧм Ревеккаыслӧ: «Ыджытжыкыс лоас учӧтжыкыс кипод увтын». Сідз висьталӧмнас Еныс мыччалӧм: бӧрйӧмыс Сы сайын. Сія мортсӧ оз кор сылӧн керӧммез сьӧрті, корӧ Аслас бӧрйӧм сьӧрті. | 12не от дел, но от Призывающего), сказано было ей: больший будет в порабощении у меньшего, |
| 13Вежа Гижӧтас сідз висьталӧм: «Яковсӧ Ме радейті, а Исавыс син вылӧ эз ков». | 13как и написано: Иакова Я возлюбил, а Исава возненавидел. |
| 14Мый сэтчӧ шуам? Еныс мыйкӧ умӧльӧ керис? Огӧ сідз шуӧ. | 14Что же скажем? Неужели неправда у Бога? Никак. |
| 15Моисейлӧ Еныс сідз висьтавлӧм: «Кинкӧ дынӧ Ме лоа небыт сьӧлӧма. Кинӧскӧ Ме жалейта. Кера, кыдз Меным колӧ». | 15Ибо Он говорит Моисею: кого миловать, помилую; кого жалеть, пожалею. |
| 16Сідзкӧ, быдӧс керсьӧ Енлӧн небыт сьӧлӧмсянь, оз мортлӧ колӧмсянь да сылӧн вынсьӧтчӧмсянь. | 16Итак помилование зависит не от желающего и не от подвизающегося, но от Бога милующего. |
| 17Вежа Гижӧтсис лыддьӧтам: Египетісь фараонлӧ Еныс висьталӧм: «Тэнӧ Ме сувтӧті сы понда, медбы тэ вылын мыччавны Ассим вынӧс. Сысянь Менчим нимӧс пондасӧ тӧдны быдсӧн му пасьта». | 17Ибо Писание говорит фараону: для того самого Я и поставил тебя, чтобы показать над тобою силу Мою и чтобы проповедано было имя Мое по всей земле. |
| 18Сідзкӧ, Еныс небыт сьӧлӧма Сылӧ колан морт дынӧ. Кинӧс колӧ лӧгӧтны, кольӧ лӧгӧн. | 18Итак, кого хочет, милует; а кого хочет, ожесточает. |
| 19Тэ меным висьталан: «Мый понда нӧ сэк Еныс менӧ пуктӧ умӧль керисьӧ? Кин вермас сувтны паныт Енлӧн висьталӧмлӧ?» | 19Ты скажешь мне: `за что же еще обвиняет? Ибо кто противостанет воле Его?' |
| 20Морт, кин тэ сэтшӧмыс, Еныскӧт кутчисян етшасьны? Керӧмыс вермас разь висьтавны керисьыслӧ: мыля тэ менӧ сэтшӧмӧ керин? | 20А ты кто, человек, что споришь с Богом? Изделие скажет ли сделавшему его: `зачем ты меня так сделал?' |
| 21Оз разь вермы гырнич керисьыс сёйсис керны, мый сылӧ колӧ? Ӧтік сёй торсис сія вермӧ керны кык доз: ӧтсӧ ─ бур дона доз, мӧдсӧ ─ пыр видзан доз. | 21Не властен ли горшечник над глиною, чтобы из той же смеси сделать один сосуд для почетного употребления, а другой для низкого? |
| 22Сідз вермӧ керны и Еныс. Сія мӧдӧ мыччавны Ассис лӧгсӧ да вынсӧ. Но Сія ыджыт мылаӧн видзчисьӧ, эз понды жугдыны Сійӧ лӧгӧтлісь доззэсӧ, кӧдна лӧсьӧтӧмась жугдыны. | 22Что же, если Бог, желая показать гнев и явить могущество Свое, с великим долготерпением щадил сосуды гнева, готовые к погибели, |
| 23Но Ассис вынася-вына югьялӧмсӧ Сія лӧсьӧтчӧм мыччавны нія доззэз вылын, кӧдна дынӧ Сія небыт сьӧлӧма. Нійӧ доззэсӧ Еныс одзжык ни лӧсьӧтчӧм тыртны Аслас югьялӧмӧн. | 23дабы вместе явить богатство славы Своей над сосудами милосердия, которые Он приготовил к славе, |
| 24Этна доззэс ─ мийӧ. Еныс Ачыс миянӧс корис кыдз иудей отирись, сідз и мӧдік отирись. | 24над нами, которых Он призвал не только из Иудеев, но и из язычников? |
| 25Осия небӧгын*в гижӧм тай: ─ Аслам отирӧн шуа отирӧс, кӧдна эзӧ вӧлӧ Менам. Шуа донаэзӧн, кӧдна вылӧ одзжык эг и видзӧт. | 25Как и у Осии говорит: не Мой народ назову Моим народом, и не возлюбленную--возлюбленною. |
| 26Сэтӧн, кытӧн нылӧ вӧлі висьталӧм: «Тійӧ абу Менам отир», сэтчин жӧ пондасӧ шуны: «Тійӧ ловья Енлӧн челядь». | 26И на том месте, где сказано им: вы не Мой народ, там названы будут сынами Бога живаго. |
| 27Енсянь юӧртісь Исай сідз висьталӧм Израильыс йылісь: ─ Лоасӧ кӧ Израильыслӧн зоннэс саридзын*г песӧк мымда, ны коласісь мезмас дзир кытшӧмкӧ тор. | 27А Исаия провозглашает об Израиле: хотя бы сыны Израилевы были числом, как песок морской, только остаток спасется; |
| 28Дӧсвидзисьыс чожа му вылас уджсӧ ештӧтас. Аслас висьталӧм кыв сьӧрті веськыта керас. | 28ибо дело оканчивает и скоро решит по правде, дело решительное совершит Господь на земле. |
| 29Исайыс одзланьсясӧ висьтавлӧм и сідз: ─ Мийӧ пӧртчимӧ бы Содомӧ, лоимӧ Гоморра кодьӧсь, локтімӧ бы разьсьӧмӧдз, Дӧсвидзись Саваофыс*д эз кӧ коль бы бӧрйӧммесӧ. | 29И, как предсказал Исаия: если бы Господь Саваоф не оставил нам семени, то мы сделались бы, как Содом, и были бы подобны Гоморре. |
| 30Мый сэтчӧ вермам висьтавны? Ентӧдтӧммес тай эзӧ кошшӧ Ен сьӧрті веськыта олӧмсӧ, но адззисӧ. Веритӧмныс понда Еныс керӧ нійӧ веськыта оліссезӧн. | 30Что же скажем? Язычники, не искавшие праведности, получили праведность, праведность от веры. |
| 31А Израиль отирыс Ен сьӧрті веськыта олӧмсӧ кошшис Туйдӧтсис, да эз адззы. | 31А Израиль, искавший закона праведности, не достиг до закона праведности. |
| 32Мыля нія эзӧ адззӧ? Нія эзӧ веритӧ. Мӧдісӧ асьныс Ен сьӧрті веськыта олӧмсӧ шедтыны Туйдӧт сьӧрті керӧмнаныс. Сійӧн чужйисисӧ «падмӧтан изас». | 32Почему? потому что искали не в вере, а в делах закона. Ибо преткнулись о камень преткновения, |
| 33Эта йылісь Гижӧтас сідз висьталӧм: ─ Сион*е вылас сувтӧта падмӧтан из. Сэтчӧ унаӧн чужйисясӧ. Сы кузя унаӧн усясӧ. А быд мортлӧ, кин Сылӧ веритӧ, оз понды ковны гӧрдӧтны. | 33как написано: вот, полагаю в Сионе камень преткновения и камень соблазна; но всякий, верующий в Него, не постыдится. |
*а 9.4 югьялӧм ─ слава
*б 9.4 йитӧт ─ союз, завет, договор
*в 9.25 небӧг ─ книга
*г 9.27 саридз ─ море
*д 9.29 Саваоф ─ Енлӧн ниммез коласісь ӧтік ним. Сія лоӧ "тышкасян выннэзӧн веськӧтлісь".
*е 9.33 Сион ─ Ерусалимлӧн, Енлӧн вежа карлӧн, мӧд нимыс. Сія нимнас гижисӧ и Ерусалимын оліссез йылісь.
Глава 9