Библия
Выбрать язык
Книги Ветхого Завета
Книги Нового Завета
с русским текстом
PSALTIRI
25 Psalmu
1 Davidan psalmu. Ižändy, anna minule oigei suudo!
Minä olen elänyh toven mugah
da ainos luottanuh Sinuh.
2 Ižändy, tiijusta kai minus,
opi minun mielii,
kačo hyvin minun syväin dai mielet.
3 Sinun armo on ainos minun silmien ies,
minä elän Sinun toven mugah.
4 En minä istunuh kielastelijoinke,
en lähtenyh muanittelijoin joukkoh.
5 Minä vihuan pahanluadijoin joukkuo,
en istoi jumalattomien rinnale.
6 Minä pezen käit, olen puhtas.
Minä kierrän Sinun altarii, Ižändy,
7 da pajatan Sinule kiitändypajuo,
sanelen kaikis Sinun kummanruadolois.
8 Ižändy, minä suvaičen Sinun kodii,
Sinun kunnivon eländysijua.
9 Älä ota minun hengie yhtes riähkähizienke,
minun elaigua yhtes tappajienke,
10 kudamil käzis ollah pahat ruavot,
kudamien oigei käzi on täyzi lahjuksii.
11 No minä elän toven mugah,
piästä minuu Ižändy, armahta minuu.
12 Minun jalgu on oigiel dorogal.
Jumalankoin sluužbis minä kiitän Ižändiä.
Глава 25
