Выбрать язык
Книги Ветхого Завета
Книги Нового Завета
с русским текстом1 Египет мланде гыч кайыме деч вара кокымшо ийын кокымшо тылзыжын икымше кечынже Синай ир мландыште, Юмо дене вашлийме омашыште, Господь Моисейлан каласен:2 «Израиль эрге-влакын мыняр улмыштым тукым еда, еш еда шотлен лекса, кажне пӧръеҥым лӱмжӧ дене ончыктыза.3 Израиль сарзе радамыш шогалаш йӧрышӧ, коло ияш деч кугурак ийготан пӧръеҥ-влакым тӱшкан-тӱшкан Аарон дене пырля шотлен лекса.4 Тек кажне тукым деч тыланда ик еҥ – нунын тукымвуйышт – полшаш тӱҥалеш.5 Теве тендан дене пырля лийшаш еҥ-влакын лӱмышт: Рувим тукым деч – Елицур, Шедеурын эргыже,6 Симеон тукым деч – Шелумиил, Цуришаддайын эргыже,7 Иуда тукым деч – Наассон, Аминадавын эргыже,8 Иссахар тукым деч – Нафанаил, Цуарын эргыже,9 Завулон тукым деч – Елиав, Хелонын эргыже,10 Иосифын эргыж-влакын тукымышт деч: Ефрем деч – Елишама, Аммиудын эргыже, да Манассий деч – Гамалиил, Педацурын эргыже,11 Вениамин тукым деч – Авидан, Гидеонийын эргыже,12 Дан тукым деч – Ахиезер, Аммишаддайын эргыже,13 Асир тукым деч – Пагиил, Охранын эргыже,14 Гад тукым деч – Елиасаф, Регуилын эргыже,15 Неффалим тукым деч – Ахира, Енанын эргыже.16 Нине еҥ-влак калыкын ойырен налме пӧръеҥышт, ача-коча тукымыштын онышт – Израильын тӱжемле еҥже-влакын вуйлатышышт – лийыныт».
17 Моисей ден Аарон лӱмышт дене ончыктымо нине еҥ дене пырля18 кокымшо тылзын икымше кечынже уло калыкым погеныт. Коло ияш деч кугурак ийготан пӧръеҥ-влак шке тукымвожыштым, могай тукым ден еш гыч улмыштым каласеныт. Нуным лӱмышт дене шотлен лектыныт.19 Моисейлан тыге ышташ Господь кӱштен. Синай ир мландыште тудо калыкын чотшым шотлен луктын.
20 Рувимын, Израильын кугэргыжын, тукымжын коло ияш деч кугурак ийготан, сарзылан йӧрышӧ кажне пӧръеҥжым урлык еда, еш еда лӱмышт дене шотлен лектыныт –21 Рувим тукымышто нуно 46 500 еҥ лийыныт.
22 Симеон тукымын коло ияш деч кугурак ийготан, сарзылан йӧрышӧ кажне пӧръеҥжым урлык еда, еш еда лӱмышт дене шотлен лектыныт –23 Симеон тукымышто нуно 59 300 еҥ лийыныт.
24 Гад тукымын коло ияш деч кугурак ийготан, сарзылан йӧрышӧ [уло пӧръеҥ тукымым] урлык еда, еш еда лӱмышт дене шотлен лектыныт –25 Гад тукымышто нуно 45 650 еҥ лийыныт.
26 Иуда тукымын коло ияш деч кугурак ийготан, сарзылан йӧрышӧ [уло пӧръеҥ тукымым] урлык еда, еш еда лӱмышт дене шотлен лектыныт –27 Иуда тукымышто нуно 74 600 еҥ лийыныт.
28 Иссахар тукымын коло ияш деч кугурак ийготан, сарзылан йӧрышӧ [уло пӧръеҥ тукымым] урлык еда, еш еда лӱмышт дене шотлен лектыныт –29 Иссахар тукымышто нуно 54 400 еҥ лийыныт.
30 Завулон тукымын коло ияш деч кугурак ийготан, сарзылан йӧрышӧ [уло пӧръеҥ тукымым] урлык еда, еш еда лӱмышт дене шотлен лектыныт –31 Завулон тукымышто нуно 57 400 еҥ лийыныт.
32 Иосиф тукымын коло ияш деч кугурак ийготан, сарзылан йӧрышӧ [уло пӧръеҥ тукымым] урлык еда, еш еда лӱмышт дене шотлен лектыныт –33 Ефрем тукымышто нуно 40 500 еҥ лийыныт.34 Манассий тукымын коло ияш деч кугурак ийготан, сарзылан йӧрышӧ [уло пӧръеҥ тукымым] урлык еда, еш еда лӱмышт дене шотлен лектыныт –35 Манассий тукымышто нуно 32 200 еҥ лийыныт.
36 Вениамин тукымын коло ияш деч кугурак ийготан, сарзылан йӧрышӧ [уло пӧръеҥ тукымым] урлык еда, еш еда лӱмышт дене шотлен лектыныт –37 Вениамин тукымышто нуно 35 400 еҥ лийыныт.
38 Дан тукымын коло ияш деч кугурак ийготан, сарзылан йӧрышӧ [уло пӧръеҥ тукымым] урлык еда, еш еда лӱмышт дене шотлен лектыныт –39 Дан тукымышто нуно 62 700 еҥ лийыныт.
40 Асир тукымын коло ияш деч кугурак ийготан, сарзылан йӧрышӧ [уло пӧръеҥ тукымым] урлык еда, еш еда лӱмышт дене шотлен лектыныт –41 Асир тукымышто нуно 41 500 еҥ лийыныт.
42 Неффалим тукымын коло ияш деч кугурак ийготан, сарзылан йӧрышӧ [уло пӧръеҥ тукымым] урлык еда, еш еда лӱмышт дене шотлен лектыныт –43 Неффалим тукымышто нуно 53 400 еҥ лийыныт.
44 Нине еҥ-влакым Моисей, Аарон да Израильын латкок онышт – кажне тукым гыч ик еҥ – шотлен луктыныт.45 Сарзылан йӧрышӧ кажне израиль пӧръеҥым, коло ияш деч кугурак ийготаным, еш еда шотлен лекмеке,46 чумыр чотышт 603 550 лийын.47 Левий тукым урлык-влак моло дене пырля тиде шотлымашке пурталтын огытыл.
48 Господь Моисейлан каласен:49 «Лач Левий тукымым тиде шотлымашке ит пурто. Нуным моло израиль эрге-влак дене пырля ит шотло.50 Левий тукым еҥ-влаклан каласе: ойпидыш скинийым, тудын чыла арвержым да мо тушто уло – нунылан ӱшанен пуымо. Тек нуно скинийым да тушто улшо арверым нумалыт, скиний пелен служитлат да шке станыштым*а тудын воктенак шогалтат.51 Кунам скинийым вес вере наҥгаяш кӱлеш, тек тудым Левий тукым еҥ-влак рончат, а кунам шогалташ кӱлеш, тек нунак погат. А иктаж-кӧ ӧрдыжъеҥ скиний дек лишемеш гын, тудым пуштман.52 Тек израиль калык шке станже-влакым тӱшкан-тӱшкан шогалта – кажныже шке станыштыже, шке еш тистыже пелен лиеш.53 Израиль калыклан Юмо ынже шыдешке манын, Левий тукым еҥ-влак шке станыштым ойпидыш скиний воктене шогалтышаш улыт. Нуно ойпидыш скинийлан вуйын шогаш тӱҥалыт».
54 Кузе Господь Моисейлан кӱштен, израиль эрге-влак чылажымат тугак ыштеныт.
*а *1:50 Стан – жаплан илаш шогалме вер.
Глава 1