Выбрать язык
Книги Ветхого Завета
Книги Нового Завета
с русским текстом1 Галаад урлык вуйлатыше-влак – Галаадын ачаже Махир, Махирын ачаже Манассий, а Манассийын ачаже Иосиф лийын – Моисей, [иерей Елеазар] да израиль эрге-влакын онышт дек, нунын тукымвуйышт дек, толыныт да каласеныт:2 «Господь тыланет, мемнан озаланна, израиль эрге-влаклан мландым шерева почеш шеледен пуаш кӱштен. Салпаад изанан мланде ужашыжым Господь тудын ӱдыржӧ-влаклан пуаш кӱштен.3 Нуно Израильын иктаж-могай вес тукымыш марлан лектыт гын, мланде ужашыштым ачана-влакын мландыж деч налыт да нунын марлан лекме тукымыштлан ешарен пуат. Тыге мемнан шерева дене налме мландына иземеш.4 Израиль эрге-влакын Пайрем ийышт шуэш гынат, нунын мланде пайышт марийыштын тукымышт дек кусна. Тунам мемнан тукымна тиде мландым йомдара».
5 Господьын шомакше почеш Моисей израиль калыклан кӱштымашым пуэн: «Иосиф эрге тукым чын ойла.6 Салпаад ӱдыр-влак шотышто Господь тыге кӱшта: нуно кӧлан шонат, тудлан марлан лектын кертыт. Но марлан налше еҥ нунын ачаштын тукымысо иктаж-кудо урлыкшо гыч лийшаш.7 Израиль эрге-влакын мланде ужашышт ик тукым гыч вес тукымыш куснышаш огыл. Тек кажне израиль эрге шке ача-кочажын мландыжлан оза лиеш.8 Израиль тукым-влак коклаште ачажын мланде пайжым налше кажне ӱдыр тек шке ачажын тукымысо иктаж-кудо урлык гыч улшо пӧръеҥлан марлан кая. Тыге израиль эрге-влак шке ача-коча мландыштын озашт лийыт.9 Мланде пай ик тукым гыч вес тукымыш куснышаш огыл. Кажне израиль тукым шке ача-коча мландыжын озаже лийшаш».
10 Салпаад ӱдыр-влак Господьын Моисейлан кӱштымыжым шуктеныт.11 Салпаадын Махла, Фирца, Хогла, Милка да Ноа ӱдыржӧ-влак шке чузайыштын эргышт-влаклан марлан лектыныт.12 Нунын марийышт Иосифын Манассий эргыжын тукымжо гычак лийыныт, садлан ӱдыр-влакын мланде ужашышт ачаштын тукымысо урлыкыштак кодын.
13 Теве тыгай кӱштымаш ден пунчал-влакым Господь израиль эрге-влаклан Моисей гоч Иордан воктенысе Моав тӧрверыште, Иерихон ваштареш, пуэн.
Глава 36