Выбрать язык
Книги Ветхого Завета
Книги Нового Завета
с русским текстом1 Теве Артаксеркс кугыжа вуйлатыме годым мый денем пырля Вавилон гыч лекше урлык вуйлатыше-влак, нуным тукымышт дене ончыктымо:2 Финеес тукым гыч – Гирсон, Ифамар тукым гыч – Даниил, Давид тукым гыч – Хаттуш,3 Шеханий эрге. Парош тукым гыч – Захарий, тудын дене пырля тукымвож лӱмер почеш шӱдӧ витле пӧръеҥ лийын.4 Пахаф-Моав тукым гыч – Елиегоэнай, Зерахий эрге, тудын дене пырля кокшӱдӧ пӧръеҥ.5 Затту тукым гыч – Шеханий, Яхазиил эрге, тудын дене пырля кумшӱдӧ пӧръеҥ.6 Адин тукым гыч – Евед, Ионафан эрге, тудын дене пырля витле пӧръеҥ.7 Елам тукым гыч – Исаий, Афалий эрге, тудын дене пырля шымле пӧръеҥ.8 Сафатий тукым гыч – Зевадий, Михаил эрге, тудын дене пырля кандашле пӧръеҥ.9 Иоав тукым гыч – Овадий, Иехиил эрге, тудын дене пырля кокшӱдӧ латкандаш пӧръеҥ.10 Ваний тукым гыч – Шеломиф, Иосифий эрге, тудын дене пырля шӱдӧ кудло пӧръеҥ.11 Бевай тукым гыч – Захарий, Бевай эрге, тудын дене пырля коло кандаш пӧръеҥ.12 Азгад тукым гыч – Иоханан, Гаккатан эрге, тудын дене пырля шӱдӧ лу пӧръеҥ.13 Адоникам тукым гыч эн вара толшо-влак: нунын лӱмышт – Елифелет, Иеиел да Шемай, нунын дене пырля кудло пӧръеҥ.14 Бигвай тукым гыч – Уфай ден Заббуд, нунын дене пырля шымле пӧръеҥ.
15 Мый нуным Агаваш йоген кайыше эҥер дене погышым, тушто ме кум кече лийна. Мый калыкым да иерей-влакым ончен лектым, но нунын коклаште Левий тукым гыч нигӧмат шым уж.16 Тунам мый вуйлатыше-влакым – Елиезерым, Ариилым, Шемайым, Элнафаным, Иаривым, Элнафаным, Нафаным, Захарийым да Мешулламым, тыгак туныктышо-влакым – Иоярив ден Элнафаным – ӱжыктышым17 да нуным Иддо дек, Касифийысе вуйлатыше дек, колтышым. Мый нунылан Иддо да тудын иза-шольыжо-шамыч дене, Касифий кундемыште илыше храм полышкалыше-влак дене, кутыралташ кӱштышым – тек нуно мемнан деке Юмын пӧртыштӧ служитлаш еҥ-шамычым кондат.18 Мемнан ӱмбалне Юмынан поро кидше лийын: нуно Шеревийым, ушан-шотан еҥым, тудын эргыж ден иза-шольыжо-влакым – чылаже латкандаш еҥым – конденыт. Нине еҥ-влак Махли тукым гыч лийыныт – Махлиже Левийын эргыже, а Левий Израильын эргыже улмаш.19 Тыгак Хашавийым, тудын дене пырля Мерари тукым гыч Исаийым, тудын иза-шольыж ден эргыже-влакым – коло пӧръеҥым – конденыт.20 Эше храм полышкалыше-влак кокла гыч кокшӱдӧ коло еҥым конденыт. Давид да тудын онжо-влак нуным левит-шамычлан полшаш шогалтеныт улмаш. Нуно чыланат лӱмышт дене возен палемдыме лийыныт.
21 Шкаланна, йочана ден чыла погыланна сайын миен шуаш Юмо деч йодын да Тудын ончылно ӱҥышемын, тушто, Агава эҥер воктене, мый пӱтым увертаренам.22 Мемнам корнышто тушман деч аралаш манын, мый кугыжа деч сарзе ден имнешке-влакым йодаш ӧрынам, вет тудын дене кутырымо годым ме тыге каласенна: «Мемнан Юмынам кычалше кажне еҥ ӱмбалне Тудын поро кидше лиеш, а кӧ Тудын деч кораҥеш, ӱмбалныже Тудын кугу шыдыже ылыжеш!»23 Сайын миен шуаш манын, ме пӱтым кученна да Юмынам сӧрвален йодынна, да Тудо мемнам колын.
24 Иерей вуйлатыше-влак кокла гыч мый латкок еҥым, тыгак Шеревийым, Хашавийым да нунын лу иза-шольыштым посна ойыренам.25 Мый нунылан шийым, шӧртньым да ате-ӱзгарым – мом Юмынан пӧртшылан кугыжа, тудын каҥаш пуышыжо ден тӧраже-влак да тушто илыше израильтян-шамыч пӧлекленыт – чыла висен пуэнам.26 Мый нунылан кудшӱдӧ витле талант шийым висен пуэнам, тыгак шӱдӧ ший ате-ӱзгарым, шӱдӧ талант шӧртньым,27 тӱжем дарикым*а шогышо коло шӧртньӧ чашым да йылгыжше эн сай той дене ыштыме кок атым пуэнам – тыгай тойжо шӧртньӧ семын аклалтын.28 Нунылан каласенам: «Нине ате-ӱзгар семын теат Господьлан святитлен ойырымо улыда. Тиде ший ден шӧртньӧ – ача-кочада-влакын Господь Юмыштлан шке кумылын пуымо пӧлекышт.29 Чыла тидым Иерусалимыште иерей ден левит вуйлатыше-шамычлан, Израиль тукымвуй-влаклан висен пуымешке да Господьын пӧртысӧ поянлыкым аралыме верыш пыштымешке, тӱткӧ лийза, нуным аралыза».30 Иерей ден левит-влак висен пуымо шийым, шӧртньым да ате-ӱзгарым Иерусалимыш Юмынан пӧртышкыжӧ наҥгаяш налыныт.
31 Агава эҥер деч Иерусалимыш ме икымше тылзын латкокымшо кечынже тарванен каенна. Мемнан ӱмбалне Господьын кидше лийын – Тудо мемнам корнышто тушман да агыше-влак деч арален шоген.32 Тыге ме Иерусалимышке миен шуынна да тушто кум кече лийынна.33 Нылымше кечын чыла ший-шӧртньым да ате-ӱзгарым шке Юмынан пӧртыштыжӧ иерей Меремофын, Урий эргын, кидышкыже висен кучыктышна. Тудын дене пырля Елеазар, Финеес эрге, тыгак левит-влак – Иозавад, Иисус эрге, да Ноадий, Биннуй эрге – лийыныт.34 Чыла шотленыт, висеныт – висыме нелытым тунамак возен шынденыт.
35 Плен гыч пӧртылшӧ-влак Израильын Юмыжлан йӱлалтен пуымо надырым конденыт: латкок ӱшкыжым – пӱтынь Израиль верч, тыгак индешле куд тагам, шымле шым пачам, эше сулык верч надырлан – латкок казатагам. Чыла тиде Господьлан йӱлалтен пуымо надыр лийын.36 Нуно тыгак кугыжан сатрапше*б ден эҥер вес вел кундемтӧра-влаклан кугыжан возен колтымо кӱштымашыжым пуэныт, да нунышт калыклан да Юмын пӧртлан чыла шотыштат полшен шогеныт.
*а 8:27 Ик дарик 8,4 грамм наре лийын.
*б 8:36 Сатрап – Персий кугыжанышысе тӧра, кызыт тудым губернатор дене таҥастараш лиеш.
Глава 8